പട്ടികജാതി–പട്ടികവർഗ വിഭാഗം വിദ്യാർത്ഥികൾക്കായി ഇടുക്കി ജില്ലയിൽ പ്രവർത്തിക്കുന്ന വിജ്ഞാനവാടി, സാമൂഹിക പഠനമുറി എന്നീ പേരുകളിൽ അറിയപ്പെടുന്ന കമ്മ്യൂണിറ്റി ലൈബ്രറി ആൻഡ് സ്റ്റഡി സെന്ററുകളിലേക്ക് പുസ്തകങ്ങൾ ശേഖരിക്കുന്ന ‘അക്ഷരോന്നതി’ പദ്ധതി പുരോഗമിക്കുന്നു.

കുട്ടികളിൽ വായനാശീലം വളർത്തുന്നതിനൊപ്പം ഇത്തരം പഠനകേന്ദ്രങ്ങളുടെ വികസന പ്രവർത്തനങ്ങളിൽ പൊതുജന പങ്കാളിത്തം ഉറപ്പുവരുത്തുക എന്ന ലക്ഷ്യത്തോടെ തദ്ദേശ സ്വയംഭരണ വകുപ്പ് കേരളം, രാഷ്ട്രീയ ഗ്രാമസ്വരാജ് അഭിയാൻ പദ്ധതിയുടെ ഭാഗമായി പരിപാടി നടപ്പാക്കുന്നു.

📚 ശേഖരണ കേന്ദ്രങ്ങൾ

അക്ഷരോന്നതി പദ്ധതിയുടെ ഭാഗമായി എല്ലാ തദ്ദേശ സ്വയംഭരണ സ്ഥാപനങ്ങളിലുമായി (ബ്ലോക്ക് പഞ്ചായത്ത്, ഗ്രാമപഞ്ചായത്ത്, മുനിസിപ്പാലിറ്റി) കളക്ഷൻ സെന്ററുകൾ സജ്ജമാക്കിയിട്ടുണ്ട്. കൂടാതെ ജില്ലയിലെ സ്കൂളുകൾ, കോളേജുകൾ, സർക്കാർ ഓഫീസുകൾ, വിവിധ പൊതുജന കൂട്ടായ്മകൾ തുടങ്ങിയവിടങ്ങളിൽ നിന്നും പുസ്തകങ്ങൾ സ്വീകരിക്കുന്നു.

പുസ്തകം സംഭാവന ചെയ്യാൻ ആഗ്രഹിക്കുന്നവർക്ക് താഴെപ്പറയുന്ന ഇടങ്ങളിൽ സ്ഥാപിച്ചിരിക്കുന്ന പുസ്തക ശേഖരണ പെട്ടികളിൽ നിക്ഷേപിക്കാം:

തദ്ദേശ സ്വയംഭരണ സ്ഥാപനങ്ങൾ

ജില്ലാ കളക്ടർ ഓഫീസ് കോംപ്ലക്സ്

ജില്ലാ ജോയിന്റ് ഡയറക്ടർ കാര്യാലയം

📍 ബന്ധപ്പെടുക

ജോയിന്റ് ഡയറക്ടറുടെ കാര്യാലയം

സിവിൽ സ്റ്റേഷൻ ബിൽഡിംഗ്, കുയിലിമല, പൈനാവ്, ഇടുക്കി – 685603

ഡി.പി.ആർ.സി ബിൽഡിംഗ്, കുയിലിമല, പൈനാവ് പി.ഒ – 685603

📞 ഫോൺ: 04862 295011