ഇടുക്കി രൂപത സ്കൂൾ ടീച്ചേഴ്സ് സ്നേഹ സംഗമം രാജകുമാരിയിൽ നടന്നു. ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ ഉദ്ഘാടനം നിർവഹിച്ചു.

ഇടുക്കി രൂപത മുഖ്യ വികാരി ജനറൽ മോൻ. ജോസ് കരിവേലിക്കൽ അധ്യക്ഷത വഹിച്ചു. ആർ.കെ. ജയപ്രകാശ് മുഖ്യ പ്രഭാഷണം നടത്തി. ഇടുക്കി രൂപത വിദ്യാഭ്യാസ സെക്രട്ടറി ഡോ. ജോർജ് തകിടിയിൽ ആമുഖ പ്രഭാഷണം നടത്തി.

സമ്മേളനത്തിൽ മികച്ച അധ്യാപക-അനധ്യാപകർക്കുള്ള അവാർഡുകളും വിതരണം ചെയ്തു. വിദ്യാഭ്യാസം, ജീവകാരുണ്യസേവനം, കൃഷി എന്നീ മേഖലകളിൽ മികച്ച സംഭാവനകൾ നൽകുന്ന വ്യക്തിക്കോ സംഘടനയ്ക്കോ നൽകുന്ന പ്രത്യേക പുരസ്‌കാരത്തിന് ഈ വർഷം നാരകക്കാനം പ്രൊവിഡൻസ് ഹോം തെരഞ്ഞെടുക്കപ്പെട്ടു.

മികച്ച അധ്യാപക അവാർഡുകൾ

ഹയർ സെക്കൻഡറി വിഭാഗം – ജോയ് കെ. ജോസ് (പ്രിൻസിപ്പൽ, സെൻറ് മേരീസ് HSS, മരിയാപുരം)

ഹൈസ്കൂൾ വിഭാഗം – സി. പ്രശാന്തി (ഹെഡ്മിസ്ട്രസ്, വിമലഗിരി വിമല ഹൈസ്കൂൾ)

യു.പി. വിഭാഗം – ഷൈനി ജേക്കബ് (ഹോളി ക്യൂൻ സ്കൂൾ, രാജകുമാരി)

എൽ.പി. വിഭാഗം – സി.എൽ.സി. (സെൻറ് ജോസഫ് സ്കൂൾ, ആനക്കുളം)

അനധ്യാപക അവാർഡ്

ജെയിമോൻ മാത്യു (ഓഫീസ് അസിസ്റ്റന്റ്, സെൻറ് സെബാസ്റ്റ്യൻസ്, നെടുങ്കണ്ടം)

എൽ.പി മുതൽ ഹയർ സെക്കൻഡറി വരെ ഉൾപ്പെടെ ആയിരത്തിലധികം അധ്യാപകരും അനധ്യാപകരും സംഗമത്തിൽ പങ്കെടുത്തു.