വെള്ളയാംകുടി സുവർണ ജൂബിലി ആഘോഷ സമാപനം ഇന്ന്.സുവർണ ജൂബിലി ആഘോഷ സമാപനത്തോടനുബന്ധിച്ച് വിളംബര ഘോഷയാത്ര സംഘടിപ്പിച്ചു.

സ്കൂൾ മാനേജരും ഇടുക്കി രൂപത വികാരി ജനറാളുമായ മോൺ. ഏബ്രഹാം പുറയാറ്റ് ഘോഷയാത്ര ഫ്ളാഗ് ഓഫ് ചെയ്തു. സ്കൂൾ അങ്കണത്തിൽ നിന്ന് ആരംഭിച്ച ഘോഷയാത്ര വെള്ളയാംകുടി ടൗൺ ചുറ്റി പാരിഷ് ഹാളിൽ സമാപിച്ചു.

ഘോഷയാത്രയിൽ നഗരസഭാ ചെയർമാൻ ജോയി വെട്ടിക്കുഴി, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ മനോജ് മുരളി, കൗൺസിലർമാരായ കെ.പി. സുമോദ്, ബീനാ സിബി, പി.ആർ. രമേശ്, ജൂലി റോയി, ഷാജി കുത്തോടിയിൽ, സന്തോഷ് ഓലിയാനിക്കൽ, ടി.ജി. എം. രാജു, തോമസ് മൈക്കിള്‍, ഷൈനി സണ്ണി എന്നിവർ പങ്കെടുത്തു. നിശ്ചലദൃശ്യങ്ങളുടെയും വാദ്യമേളങ്ങളുടെയും അകന്പടിയോടെയാണ് ഘോഷയാത്ര നടന്നത്.

സ്കൂൾ അങ്കണത്തിൽ അസി. മാനേജർ ഫാ. ജോസഫ് വടക്കേമുറി പതാക ഉയർത്തി. ഇന്ന് വൈകിട്ട് നാലിന് നടക്കുന്ന സുവർണ ജൂബിലി സമാപന സമ്മേളനം മാർ ജോൺ നെല്ലിക്കുന്നേൽ ഉദ്ഘാടനം ചെയ്യും. മോൺ. ഏബ്രഹാം പുറയാറ്റ് അധ്യക്ഷത വഹിക്കും. രൂപത മുഖ്യ വികാരി ജനറാൾ മോൺ. ജോസ് കരിവേലിക്കൽ അനുഗ്രഹപ്രഭാഷണം നടത്തും. മന്ത്രി റോഷി അഗസ്റ്റിൻ മുഖ്യപ്രഭാഷണം നടത്തും.

ഡീൻ കുര്യാക്കോസ് എം.പി. പ്രതിഭകളെ ആദരിക്കും. രൂപത വിദ്യാഭ്യാസ സെക്രട്ടറി റവ. ഡോ. ജോർജ് തകടിയേൽ ഉപഹാരങ്ങൾ വിതരണം ചെയ്യും. ഈ വർഷത്തെ എക്സലൻസി അവാർഡുകൾ നഗരസഭാ ചെയർമാൻ ജോയി വെട്ടിക്കുഴി സമ്മാനിക്കും.

ഹെഡ്മാസ്റ്റർ ബിനോയി മഠത്തിൽ, കട്ടപ്പന എഇഒ സി. രാജശേഖരൻ, കൗൺസിലർമാരായ ബീന സിബി, കെ.പി. സുമോദ്, പൂർവ്വവിദ്യാർത്ഥി പ്രതിനിധി ഷാജി മാത്യു പാലത്തിനാൽ, ഫാ. ജോസ് വടക്കേമുറിയിൽ, ഫാ. ജേക്കബ് മാട്ടേൽ, ജിജി ജോർജ്, വിൻസി സെബാസ്റ്റ്യൻ, സൈജു ജോസഫ്, ജയിംസ് വർഗീസ്, ടി.എച്ച്. ജിൻസിമോൾ, ജെറോം സാബു, അമല സജേഷ് എന്നിവർ പ്രസംഗിക്കും. സ്കൂളിലെ കലാപ്രതിഭകൾ അണിനിരക്കുന്ന മെഗാ ഇവന്റും നടക്കും.