നവീകരിച്ച കുട്ടിക്കാനം – ചപ്പാത്ത് – കട്ടപ്പന റോഡിന്റെ പൂർത്തീകരണ ഉദ്ഘാടനം ഫെബ്രുവരി 22ന്
Reporter | Kerala Journal 
കട്ടപ്പന: പീരുമേട് – ദേവികുളം (SH-59) സംസ്ഥാനപാതയുടെ ഭാഗമായി നവീകരിച്ച കുട്ടിക്കാനം – ചപ്പാത്ത് – കട്ടപ്പന റോഡിന്റെ പൂർത്തീകരണ ഉദ്ഘാടനം ഫെബ്രുവരി 22ന് നടക്കും.
ചടങ്ങിന് ജലവിഭവ വകുപ്പ് മന്ത്രി റോഷി അഗസ്റ്റിൻ അധ്യക്ഷത വഹിക്കും. പൊതുമരാമത്ത്-ടൂറിസം വകുപ്പ് മന്ത്രി പി.എ. മുഹമ്മദ് റിയാസ് ഉദ്ഘാടനം നിർവഹിക്കും.
പ്രദേശത്തെ ഗതാഗത സൗകര്യം മെച്ചപ്പെടുത്തുന്നതിനും വിനോദസഞ്ചാര സാധ്യതകൾ ശക്തിപ്പെടുത്തുന്നതിനുമായി നടപ്പാക്കിയ റോഡ് നവീകരണം ഹൈറേഞ്ച് മേഖലയ്ക്ക് വലിയ ഗുണം ചെയ്യും എന്നാണ് പ്രതീക്ഷ.
ചടങ്ങിൽ വിവിധ രാഷ്ട്രീയ, സാമൂഹ്യ, സാംസ്കാരിക രംഗങ്ങളിലെ നേതാക്കളും ഉദ്യോഗസ്ഥ പ്രമുഖരും പങ്കെടുക്കും.
