ക്ഷാമബത്ത : ജോയിന്റ് കൗണ്സിലിന്റെ ആഭിമുഖ്യത്തില് ജില്ലയില് സിവില് സ്റ്റേഷനുകളില് പ്രകടനവും യോഗവും
Reporter | Kerala Journal 
സർക്കാർ ജീവനക്കാർക്കും അധ്യാപകർക്കും നല്കാനുണ്ടായിരുന്ന ക്ഷാമബത്ത കുടിശ്ശിക പൂര്ണമായും അനുവദിച്ച സര്ക്കാര് ഉത്തരവിനെ സ്വാഗതം ചെയ്ത് ജോയിന്റ് കൗണ്സില് നേതൃത്വത്തില് ഇടുക്കി ജില്ലയില് വിവിധ സിവില് സ്റ്റേഷനുകളില് പ്രകടനങ്ങളും യോഗങ്ങളും സംഘടിപ്പിച്ചു.
തൊടുപുഴ സിവില് സ്റ്റേഷനില് നടന്ന യോഗം സംസ്ഥാന കമ്മിറ്റി അംഗം എസ്.കെ.എം. ബഷീര് ഉദ്ഘാടനം ചെയ്തു. ജില്ലാ സെക്രട്ടറി ആര്. ബിജുമോന് മുഖ്യപ്രഭാഷണം നടത്തി. സംസ്ഥാന കൗണ്സില് അംഗം വി.എം. ഷൗക്കത്തലി അധ്യക്ഷത വഹിച്ചു.
ഇടുക്കി കളക്ടറേറ്റ് ആസ്ഥാനത്ത് നടന്ന പരിപാടി ജില്ലാ കമ്മിറ്റി അംഗം ജോണ്സണ് പീറ്റര് ഉദ്ഘാടനം ചെയ്തു. ദേവികുളം സിവില് സ്റ്റേഷനിലെ പരിപാടി സംസ്ഥാന കൗണ്സില് അംഗം എ. കുമാര് ഉദ്ഘാടനം ചെയ്തു.
നെടുങ്കണ്ടം സിവില് സ്റ്റേഷന് മുന്നില് നടത്തിയ യോഗം സംസ്ഥാന കൗണ്സില് അംഗം എസ്. സുകുമാരന് ഉദ്ഘാടനം ചെയ്തു. പീരുമേട് സിവില് സ്റ്റേഷനില് നടന്ന പരിപാടി ജില്ലാ കമ്മിറ്റി അംഗം ആര്. വിഷ്ണു ഉദ്ഘാടനം ചെയ്തു.
ജില്ലയിലുടനീളം നൂറുകണക്കിന് ജീവനക്കാര് പ്രകടനങ്ങളിലും യോഗങ്ങളിലും പങ്കെടുത്തു.
