സംസ്ഥാന സബ് ജൂനിയർ ത്രോബോൾ ചാമ്പ്യൻഷിപ്പ് സാൻജോ കോളേജ് മുല്ലക്കാനം സ്റ്റേഡിയത്തിൽ സംഘടിപ്പിച്ചു. രണ്ട് ദിവസങ്ങളിലായി നടന്ന മത്സരങ്ങളിൽ 14 ജില്ലകളിൽ നിന്നുള്ള ആണ്‍കുട്ടികളും പെൺകുട്ടികളും പങ്കെടുത്തു.

പരിപാടി രാജാക്കാട് പഞ്ചായത്ത് പ്രസിഡന്റ് കിങ്ങിണി രാജേന്ദ്രൻ ഉദ്ഘാടനം ചെയ്തു. ചെയർമാൻ ജോഷി കന്യാക്കുഴി, കൺവീനർ ബെന്നി പാലക്കാട്ട്, വാർഡ് മെമ്പർ ബാബു കൊച്ചുപുര, മർച്ചന്റ്സ് അസോസിയേഷൻ പ്രസിഡന്റ് വി.എസ്. ബിജു, അസോസിയേഷൻ ജില്ലാ സെക്രട്ടറി ഷർമിള ബാദുരി മനോജ്, എ. സുനിൽകുമാർ, എ.എസ്. സുനീഷ്, ഷിജോ തങ്കച്ചൻ എന്നിവർ നേതൃത്വം നൽകി.

ആൺകുട്ടികളുടെ വിഭാഗത്തിൽ കോട്ടയം ജില്ല ടീം ഒന്നാം സ്ഥാനവും പാലക്കാട് ജില്ല ടീം രണ്ടാം സ്ഥാനവും നേടി.

പെൺകുട്ടികളുടെ വിഭാഗത്തിൽ എറണാകുളം ജില്ല ടീം ഒന്നാം സ്ഥാനവും പാലക്കാട് ജില്ല ടീം രണ്ടാം സ്ഥാനവും നേടി.

സമാപന സമ്മേളനം ദേശീയ കായിക താരം വി.ബി. ബിനീഷ് ഉദ്ഘാടനം ചെയ്തു. സാൻജോ കോളേജ് മാനേജർ ഫാജോബിൻ പേണാട്ടുകുന്നേൽ, എസ്‌എൻഡിപി യോഗം രാജാക്കാട് ശാഖ പ്രസിഡന്റ് സാബു വാവലക്കാട്ട്, ജില്ലാ സ്‌പോർട്സ് കൗൺസിൽ പ്രസിഡന്റ് മുഹമ്മദ് ഫൈസൽ, സെക്രട്ടറി ഷാജിമോൻ, അസോസിയേഷൻ ഭാരവാഹികളായ ഷിജോ കെ. തോമസ്, ടി.പി. ബഷീർ, മുഹമ്മദ് റാഫി, ഷാഹുൽ ഹമീദ്, കെ. പ്രദീപ്, നെടുങ്കണ്ടം ബ്ലോക്ക് പഞ്ചായത്ത് മെമ്പർ വിപിൻ സി. അഗസ്റ്റ്യൻ, കായികാദ്ധ്യാപകൻ ജിജി ജോസ്, രാജാക്കാട് എസ്‌.ഐ. അഭിജിത്, പഞ്ചായത്ത് അംഗങ്ങളായ ടി.കെ. സുജിത്, സാജു എബ്രാഹം എന്നിവർ പ്രസംഗിച്ചു.