പീരുമേട്: കേരള മോഡൽ ബദൽ നയസമീപനങ്ങളുടെ തുടർച്ച ഉറപ്പുവരുത്തുന്നത് ഈ കാലഘട്ടത്തിന്റെ അനിവാര്യ ആവശ്യമാണ് എന്ന് പീരുമേട് എസ്.എം.എസ് ഹാളിൽ ചേർന്ന ജോയിന്റ് കൗൺസിൽ മേഖല സമ്മേളനം അഭിപ്രായപ്പെട്ടു.

മേഖല പ്രസിഡന്റ് എം.ജി. ബിലീഷിന്റെ അധ്യക്ഷതയിൽ ചേർന്ന സമ്മേളനം ജോയിന്റ് കൗൺസിൽ സംസ്ഥാന സെക്രട്ടറി ഡി. ബിനിൽ ഉദ്ഘാടനം ചെയ്തു. ജില്ലാ സെക്രട്ടറി ആർ. ബിജുമോൻ സംഘടനാ റിപ്പോർട്ടും മേഖല സെക്രട്ടറി സൗമ്യ മുരളി പ്രവർത്തന റിപ്പോർട്ടും അവതരിപ്പിച്ചു. മേഖല ട്രഷറർ ഡിപിൻ ഡി.ആർ വരവ്–ചിലവ് കണക്കുകൾ അവതരിപ്പിച്ചു.

സംസ്ഥാന കമ്മിറ്റി അംഗം കെ.വി. സാജൻ, ജില്ലാ ട്രഷറർ പി.ടി. ഉണ്ണി, ജില്ലാ കമ്മിറ്റി അംഗം ആർ. വിഷ്ണു എന്നിവർ ആശംസകൾ അർപ്പിച്ച് സംസാരിച്ചു. വനിത കമ്മിറ്റി സെക്രട്ടറി ജൈനമ്മ സ്വാഗതവും റോബിൻ ജെ നന്ദിയും രേഖപ്പെടുത്തി.

സമ്മേളനം പുതിയ ഭാരവാഹികളെയും തെരഞ്ഞെടുത്തു. ജൈനമ്മ കെ.കെ പ്രസിഡന്റായും സുമേഷ് വാസു, റോബിൻ ജെ എന്നിവർ വൈസ് പ്രസിഡന്റ്മാരായും തെരഞ്ഞെടുക്കപ്പെട്ടു. ഡിപിൻ ഡി.കെ സെക്രട്ടറിയായും ബിനോജ് എം. അമ്പാട്ട്, ബിൻസി കെ. എന്നിവർ ജോയിന്റ് സെക്രട്ടറിമാരായും എം.ജി. ബിലേഷ് ട്രഷററായും തിരഞ്ഞെടുക്കപ്പെട്ടു.