പുറ്റടി: ഹോളി ക്രോസ് കോളേജിൽ കോളേജ് ഡേ ആഘോഷം വിവിധ പരിപാടികളോടെ സംഘടിപ്പിച്ചു. യുഗ കോളേജ് യൂണിയന്റെ നേതൃത്വത്തിൽ നടന്ന പരിപാടികൾക്ക് കോളേജ് യൂണിയൻ ചെയർമാൻ അശ്വിൻ ജി അധ്യക്ഷത വഹിച്ചു. കോളേജ് പ്രിൻസിപ്പാൾ പ്രൊഫ. ഷാജി ആർ. കെ ഉദ്ഘാടനം നിർവഹിച്ചു.

കോളേജ് യൂണിയൻ പുറത്തിറക്കിയ മാഗസിൻ ഹോളി ക്രോസ് എഡ്യൂക്കേഷണൽ ട്രസ്റ്റ് അംഗം മോളി സ്കറിയ പ്രകാശനം ചെയ്തു.

യൂണിയൻ അഡ്വൈസർ കൊച്ചുത്രേസ്യ കുര്യൻ സ്വാഗതം ആശംസിച്ചു. കോളേജ് വൈസ് പ്രിൻസിപ്പാൾ മെൽവിൻ എൻ. വി ആശംസകൾ അർപ്പിച്ചു സംസാരിച്ചു. കോളേജ് യൂണിയൻ വൈസ് ചെയർപേഴ്സൺ സ്നേഹ നന്ദി രേഖപ്പെടുത്തി.

പരിപാടികളുടെ ഭാഗമായി വിദ്യാർത്ഥികളുടെ വിവിധ കലാപരിപാടികളും മ്യൂസിക് ബാൻഡിന്റെ കലാവിരുന്നും അരങ്ങേറി.