തൊടുപുഴ: ജില്ലയില്‍ ആദ്യമായി അതീവ സങ്കീർണ്ണമായ എൻഡോവാസ്‌കുലർ അയോർട്ടിക് റിപ്പയർ (ഇ.വി.എ.ആർ) ശസ്ത്രക്രിയ തൊടുപുഴ സ്മിത മെമ്മോറിയല്‍ ഹോസ്പിറ്റല്‍ ആൻഡ് റിസർച്ച് സെന്ററിലെ കാർഡിയാക് സയൻസ് വിഭാഗം വിജയകരമായി പൂർത്തിയാക്കി.

73 വയസ്സുള്ള കരൾ രോഗിയിലാണ് ശസ്ത്രക്രിയ നടത്തിയത്. രോഗിയുടെ അയോർട്ടയിൽ രക്തസ്രാവത്തിന് സാധ്യതയുള്ള തരത്തിലുള്ള വിള്ളലുകളും വ്രണങ്ങളും കണ്ടെത്തിയിരുന്നു. ശാരീരികാവസ്ഥ പരിഗണിച്ച് തുറന്ന ശസ്ത്രക്രിയയ്ക്ക് ഉയർന്ന അപകടസാധ്യത ഉണ്ടായതിനാൽ, അത്യാധുനികമായ ഇ.വി.എ.ആർ രീതിയിലൂടെ സ്റ്റെന്റ് സ്ഥാപിച്ച് രോഗിയുടെ ജീവൻ രക്ഷിക്കുകയായിരുന്നു.

ആശുപത്രി മാനേജ്‌മെന്റിന്റെയും കാർഡിയാക് സയൻസ് വിഭാഗത്തിലെ ഡോ. പ്രവീൺ ചാക്കോ, ഡോ. ജോസഫ്, ഡോ. ആനന്ദ് എന്നിവർ ചേർന്നുള്ള ഏകോപിത പ്രവർത്തനമാണ് ഈ നേട്ടത്തിന് പിന്നിലെന്ന് ആശുപത്രി സി.ഇ.ഒ ഡോ. രാജേഷ് നായർ അറിയിച്ചു. ഓപ്പറേഷൻ തിയേറ്റർ വിഭാഗത്തിന്റെയും അനസ്‌തേഷ്യ വിഭാഗത്തിന്റെയും മികച്ച പിന്തുണയും ശസ്ത്രക്രിയ വിജയകരമാക്കുന്നതിൽ നിർണായകമായി.