“ബി എ ലൈഫ് സേവർ” : സിപിആർ പരിശീലന പരിപാടി സംഘടിപ്പിച്ചു
Reporter | Kerala Journal 
കട്ടപ്പന കോ-ഓപ്പറേറ്റീവ് ഹോസ്പിറ്റലിന്റെ നേതൃത്വത്തിൽ “ബി എ ലൈഫ് സേവർ” എന്ന പേരിൽ സിപിആർ പരിശീലന പരിപാടി സംഘടിപ്പിച്ചു.
സെൻറ് ജെറോംസ് സ്കൂൾ വെള്ളയാംകുടിയും മരിയൻ പബ്ലിക് സ്കൂൾ മേരികുളവും വേദികളാക്കി നടത്തിയ പരിശീലനത്തിൽ വിദ്യാർത്ഥികൾക്കും അധ്യാപകർക്കും അടിയന്തര സാഹചര്യങ്ങളിൽ ജീവൻ രക്ഷിക്കാൻ ആവശ്യമായ സിപിആർ (CPR) പരിശീലനം നൽകി. ഹൃദയസ്തംഭനം പോലുള്ള അടിയന്തര അവസ്ഥകളിൽ പ്രാഥമിക ശുശ്രൂഷയുടെ പ്രാധാന്യവും ശരിയായ രീതിയിൽ സിപിആർ നൽകുന്ന രീതികളും ആരോഗ്യപ്രവർത്തകർ വിശദീകരിച്ചു.
ജീവൻ രക്ഷാ ബോധവൽക്കരണം സമൂഹത്തിലെ വിവിധ വിഭാഗങ്ങളിലേക്ക് വ്യാപിപ്പിക്കുന്നതിനുള്ള പ്രവർത്തനങ്ങളുടെ ഭാഗമായാണ് പരിപാടി സംഘടിപ്പിച്ചതെന്ന് അധികൃതർ അറിയിച്ചു.
