കേരള സ്റ്റേറ്റ് ബിവറേജസ് കോർപ്പറേഷൻ സ്റ്റാഫ് അസോസിയേഷനും കേരള സംസ്ഥാന വിദേശ മദ്യ വ്യവസായ തൊഴിലാളി യൂണിയന്റെയും (സി.ഐ.ടി.യു ) സംയുക്ത അഭിമുഖത്തില്‍ കുടുംബ സംഗമം നടത്തി.

ബഡ്ജറ്റിൽ വാഗ്ദാനം ചെയ്തിരുന്ന ശമ്പള പരിഷ്‌കരണവും കുടിശ്ശികയായ 13 ശതമാനം ക്ഷേമാശ്വാസവും അനുവദിച്ച സംസ്ഥാന സർക്കാരിനെ കുടുംബ സംഗമം അഭിനന്ദിച്ചു. ശുചീകരണ തൊഴിലാളികളുടെ നിയമനവും വേതന വ്യവസ്ഥകളും അംഗീകരിക്കണമെന്നും സംഗമം ആവശ്യപ്പെട്ടു. കൂടാതെ വരാനിരിക്കുന്ന നിയമസഭാ തിരഞ്ഞെടുപ്പിൽ ഇടതുപക്ഷ ജനാധിപത്യമുന്നണി സ്ഥാനാർത്ഥികളെ വിജയിപ്പിക്കുവാനും സംഗമം തീരുമാനിച്ചു.

സി.ഐ.ടി.യു സംസ്ഥാന വൈസ് പ്രസിഡന്റ് കെ.കെ ജയചന്ദ്രൻ ഉദ്ഘാടനം ചെയ്തു. കെ.എസ്. ശ്രീക്കുട്ടൻ അധ്യക്ഷത വഹിച്ചു. സി.ഐ.ടി.യു സംസ്ഥാന വൈസ് പ്രസിഡന്റ് കെ.പി. മേരി, ജില്ലാ വൈസ് പ്രസിഡന്റ് ടി.ആർ. സോമൻ, യൂണിയൻ നേതാക്കളായ ജയ്സൺ ജോസഫ്, സ്മിത, അമ്പിളി കെ.എസ്, വിഷ്ണു എന്നിവർ സംസാരിച്ചു.

കേരള സ്റ്റേറ്റ് ബീവറേജസ് കോർപ്പറേഷൻ സ്റ്റാഫ് അസോസിയേഷൻ സംസ്ഥാന സെക്രട്ടറി എസ്. സജീവ് സ്വാഗതവും ജില്ലാ വൈസ് പ്രസിഡന്റ് അനു‍ജ നന്ദിയും രേഖപ്പെടുത്തി.