സംരംഭകത്വം സ്വപ്നം യാഥാർഥ്യമാക്കാൻ ആഗ്രഹിക്കുന്നവർക്ക് മാർഗനിർദേശം നൽകുന്നതിനായി തൊടുപുഴ താലൂക്ക് ഇൻഡസ്ട്രീസ് ഓഫീസ് പഞ്ചായത്തുതല സംരംഭക അവബോധ പരിപാടി സംഘടിപ്പിക്കുന്നു.

നിലവിൽ സംരംഭം നടത്തുന്നവർക്കും, സംരംഭം തുടങ്ങാൻ ആഗ്രഹിക്കുന്ന യുവജനങ്ങൾക്കും, സ്ത്രീകൾക്കും, പുതുസംരംഭങ്ങൾക്ക് തയ്യാറെടുക്കുന്നവർക്കും ഒരുപോലെ പ്രയോജനപ്പെടുന്ന രീതിയിലാണ് പരിപാടി രൂപകൽപ്പന ചെയ്തിരിക്കുന്നത്. സർക്കാർ പദ്ധതികൾ, ധനസഹായങ്ങളും സബ്സിഡികളും, പരിശീലനവും മാർഗനിർദേശ അവസരങ്ങളും സംബന്ധിച്ച വ്യക്തമായ അവബോധം പരിപാടിയിൽ നൽകും.

ഇന്ന് രാവിലെ 10.15ന് വാത്തിക്കൂടി പഞ്ചായത്ത് ഹാളിൽ നടക്കുന്ന പരിപാടി തൊടുപുഴ താലൂക്ക് ഇൻഡസ്ട്രീസ് ഓഫീസ് ആണ് സംഘടിപ്പിക്കുന്നത്.

സംരംഭകത്വത്തിന്റെ പുതിയ സാധ്യതകൾ അറിയാനും സംരംഭ സ്വപ്നങ്ങൾക്ക് ശക്തമായ അടിത്തറ ഒരുക്കാനും ഈ അവസരം പ്രയോജനപ്പെടുത്തണമെന്ന് സംഘാടകർ അറിയിച്ചു.