മാലിന്യ കൂമ്പാരത്തിൽ നിന്നും കഞ്ചാവ് പൊതികൾ കണ്ടെത്തി
Reporter | Kerala Journal 
ഇരട്ടയാർ: ഇരട്ടയാർ പഞ്ചായത്തിലെ കടുകുമക്കൽപടി – അയ്യമലപ്പടി ഭാഗത്ത് മാലിന്യ കൂമ്പാരത്തിൽ നിന്നും കഞ്ചാവ് പൊതികൾ കണ്ടെത്തി.
ഇന്നലെ വൈകീട്ട് ഏകദേശം 6 മണിയോടെയാണ് സംഭവം. പ്രദേശവാസികൾ മാലിന്യകൂമ്പാരത്തിൽ സംശയാസ്പദമായ പൊതികൾ കാണപ്പെട്ടതിനെ തുടർന്ന് അധികൃതരെ വിവരം അറിയിക്കുകയായിരുന്നു. തുടർന്ന് പൊലീസ് സ്ഥലത്തെത്തി പരിശോധന നടത്തി കഞ്ചാവ് പൊതികൾ കണ്ടെത്തി.
പോലീസും പഞ്ചായത്ത് അധികൃതരും സ്ഥലത്തെത്തി ആവശ്യമായ നിയമ നടപടികൾ സ്വീകരിച്ചു.
