നെടുങ്കണ്ടം: നിയമസഭാ തിരഞ്ഞെടുപ്പിന്റെ ഭാഗമായി ജില്ലയിലെ തിരഞ്ഞെടുപ്പ് ചെലവ് നിരീക്ഷക നമിത പട്ടേൽ നെടുങ്കണ്ടത്ത് സന്ദർശനം നടത്തി. തിരഞ്ഞെടുപ്പ് ചെലവുകളുടെ അവലോകനത്തിനും പ്രവർത്തനങ്ങൾ സുഗമമായി നടത്തുന്നതിനുള്ള ക്രമീകരണങ്ങൾ വിലയിരുത്തുന്നതിനുമാണ് സന്ദർശനം.

നെടുങ്കണ്ടം ബ്ലോക്ക് പഞ്ചായത്ത് ഓഫീസിൽ റിട്ടേണിംഗ് ഓഫീസർമാരുമായി കൂടിക്കാഴ്ച നടത്തി വിവിധ പ്രവർത്തനങ്ങൾ അവലോകനം ചെയ്തു. തിരഞ്ഞെടുപ്പ് ചെലവുകൾ, നാമനിർദേശപത്രിക സമർപ്പണം, ലഭിച്ച പരാതികൾ തുടങ്ങിയവ സംബന്ധിച്ച വിവരങ്ങൾ പരിശോധിച്ചു.

തുടർ നടപടികൾക്കായി ഉദ്യോഗസ്ഥർക്ക് ആവശ്യമായ നിർദേശങ്ങളും നൽകി. ഫ്ലയിംഗ് സ്‌ക്വാഡ്, സ്റ്റാറ്റിക് സർവൈലൻസ് ടീം, വീഡിയോ സർവൈലൻസ് ടീം, വീഡിയോ വെരിഫയിംഗ് ടീം എന്നിവരുമായും യോഗം ചേർന്ന് പ്രവർത്തന പുരോഗതി വിലയിരുത്തി.