ഏലപ്പാറയിൽ ലോഡ്ജിൽ ഹോട്ടൽ ജീവനക്കാരൻ മരിച്ച നിലയിൽ
Reporter | Kerala Journal 
ഏലപ്പാറയിലെ ലോഡ്ജ് മുറിയിൽ ഹോട്ടൽ തൊഴിലാളിയെ മരിച്ച നിലയിൽ കണ്ടെത്തി. കോതമംഗലം സ്വദേശിയായ 45 വയസുകാരൻ മനുവാണ് മരിച്ചത്.
മനുവിനൊപ്പം മുറിയിൽ താമസിച്ചിരുന്ന ജാർഖണ്ഡ് സ്വദേശിയെ കാണാതായിരിക്കുകയാണ്. ഇരുവരും തമ്മിൽ കഴിഞ്ഞ രാത്രി വഴക്കുണ്ടായതായി പോലീസിന് വിവരം ലഭിച്ചിട്ടുണ്ട്.
സംഭവം കൊലപാതകമാണെന്നാണ് പ്രാഥമിക നിഗമനം. സംഭവസ്ഥലത്തെത്തിയ പോലീസ് അന്വേഷണം ആരംഭിച്ചിട്ടുണ്ട്.
