അന്യസംസ്ഥാന തൊഴിലാളികളുടെ ഓശാനാഘോഷം ശ്രദ്ധേയമായി
Reporter | Kerala Journal 
പവർ ഇൻ ജീസസ് ഹിന്ദി ചർച്ചിൻ്റെ ആഭിമുഖ്യത്തിൽ അന്യസംസ്ഥാന തൊഴിലാളികൾ ഓശാന ഞായർ ഭക്തിപൂർവ്വം ആചരിച്ചു. ടൗൺ ചുറ്റി നടന്ന കുരുത്തോല പ്രദക്ഷിണത്തിൽ നൂറുകണക്കിന് വിശ്വാസികൾ പങ്കെടുത്തു.
ബംഗാൾ, അസം, ജാർഖണ്ഡ്, ബീഹാർ, ഒഡീഷ, ഛത്തീസ്ഗഢ്, മധ്യപ്രദേശ്, മിസോറാം തുടങ്ങിയ സംസ്ഥാനങ്ങളിൽ നിന്നുള്ള ക്രിസ്തീയ വിശ്വാസികളാണ് പ്രദക്ഷിണത്തിൽ പങ്കെടുത്തത്.
തുടർന്ന് പാസ്റ്റർ പ്രിൻസ് തോമസ് ഓശാന സന്ദേശം നൽകി. ഹിന്ദി, സന്താളി, ബംഗാളി, അസമീസ്, ഛാദ്രി, മിസോ തുടങ്ങിയ വിവിധ ഭാഷകളിലുള്ള ഗാനങ്ങളാലപിച്ചാണ് പ്രദക്ഷിണം നടന്നത്.
വർഷങ്ങളായി ഓശാന ഞായർ ദിനത്തിൽ അന്യസംസ്ഥാന തൊഴിലാളികളുടെ കുരുത്തോല പ്രദക്ഷിണം ഇവിടെ ഭക്തിപൂർവ്വം സംഘടിപ്പിച്ച് വരുന്നതാണ്.
