നിയമസഭ തിരഞ്ഞെടുപ്പ് നടക്കുന്ന പ്രദേശങ്ങളിൽ പരസ്യപ്രചാരണവുമായി ബന്ധപ്പെട്ട് കർശന നിർദേശങ്ങളുമായി കേന്ദ്ര തെരഞ്ഞെടുപ്പ് കമ്മീഷൻ രംഗത്ത്. വോട്ടെടുപ്പ് നടക്കുന്ന മണ്ഡലങ്ങളിൽ പ്രചാരണം അവസാനിച്ച ശേഷം വരുന്ന 48 മണിക്കൂറിനിടെ ടി.വി., റേഡിയോ, കേബിള്‍ നെറ്റ്‌വർക്ക് തുടങ്ങിയവ വഴി തിരഞ്ഞെടുപ്പ് പ്രചാരണം നടത്തുന്നത് പാടില്ലെന്ന് കമ്മീഷൻ വ്യക്തമാക്കി.

അതേസമയം, എക്സിറ്റ് പോളുകൾ പ്രസിദ്ധീകരിക്കുന്നതിലും നിയന്ത്രണം ഏർപ്പെടുത്തിയിട്ടുണ്ട്. ഏപ്രിൽ 29-ന് പശ്ചിമബംഗാളിൽ അവസാനഘട്ട വോട്ടെടുപ്പ് പൂർത്തിയായതിന് ശേഷം മാത്രമേ കേരളം ഉൾപ്പെടെ രാജ്യത്തെ മറ്റ് സംസ്ഥാനങ്ങളിലെ എക്സിറ്റ് പോൾ ഫലങ്ങൾ പുറത്തുവിടാൻ പാടുള്ളൂവെന്നും ഉത്തരവിൽ പറയുന്നു.

ഇലക്‌ട്രോണിക്, അച്ചടി മാധ്യമങ്ങൾക്കുമെല്ലാം ഈ നിയന്ത്രണങ്ങൾ ബാധകമാണ്.