വിഷു ആഘോഷത്തിനിടെ പടക്കം പൊട്ടിത്തെറിച്ച് വിദ്യാർത്ഥിക്ക് ദാരുണാന്ത്യം
Reporter | Kerala Journal 
കോഴിക്കോട്: വിഷു ആഘോഷത്തിനിടെ പടക്കം പൊട്ടിത്തെറിച്ച് വിദ്യാർത്ഥി മരിച്ചു. കൊയിലാണ്ടി സ്വദേശിയായ അദ്വൈത് (16) ആണ് മരിച്ചത്.
വിഷു ആഘോഷത്തിനായി വാങ്ങിയ പടക്കങ്ങൾ വീടിനോട് ചേര്ന്നുള്ള ഗ്രൗണ്ടിൽ കൂട്ടുകാരോടൊപ്പം പൊട്ടിക്കുകയായിരുന്നു. ഇതിനിടെ അബദ്ധത്തിൽ വലിയ ഗുണ്ട് അദ്വൈതിന്റെ കയ്യിൽ വെച്ച് പൊട്ടുകയായിരുന്നു. അപകടത്തിൽ ഗുരുതരമായി പരുക്കേറ്റ അദ്വൈതിനെ ഉടൻ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
സംഭവത്തിൽ ഒപ്പമുണ്ടായിരുന്ന ഒരു സുഹൃത്തിനും പരുക്കേറ്റിട്ടുണ്ട്.
