ഈ വർഷത്തെ'കരുമാടിക്കുട്ടൻ പുത്തക അവാർഡിന് ' ഡോ. ബീന കെ. ആർ അർഹയായി.

'ബുദ്ധദർശനത്തിന്റെ സ്വാധീനം ആധുനിക മലയാള കവിതയിൽ' എന്ന വിഷയത്തെ മുൻനിർത്തി രചിച്ച 'ബുദ്ധദർശനവും ആശാൻ കവിതയും' , 'ബുദ്ധദർശനത്തിന്റെ സ്വാധീനം ഒരന്വേഷണം വള്ളത്തോൾ മുതൽ വൈലോപ്പിള്ളി വരെ' എന്നീ പഠന ഗ്രന്ഥങ്ങൾക്കാണ് അവാർഡ്.

ഡോ. അജയ് എസ് ശേഖർ, അനിരുദ്ധ് രാമൻ, ഡോ. എം. ബി. മനോജ്, ഡോ.ഷൈമ പച്ച, അജയൻ ഇടുക്കി, വിശ്വനാഥൻ കെ , സുനിൽ പെരുമാൾ,നിഷു ബൗദ്ധ് എന്നിവർ ഉൾപ്പെടുന്ന സമിതിയാണ് അവാർഡ് നിർണയം നടത്തിയത്.

കേരള ബുദ്ധിസ്റ്റ് കമ്മ്യൂണിറ്റിയുടെ ബുദ്ധപൂർണ്ണിമ ഓഗനൈസിംഗ് കമ്മിറ്റി നൽകുന്ന 'കരുമാടിക്കുട്ടൻ പുത്തക അവാർഡ് ' _ പ്രശസ്തിപത്രവും ശിലാഫലകവും മെയ് ഒന്നിന് അമ്പലപ്പുഴ കരുമാടിക്കുട്ടൻ ബുദ്ധ പഗോഡയിൽ നടക്കുന്ന ബുദ്ധപൂർണിമ ആഘോഷത്തിൽ വച്ച് സമ്മാനിക്കും