ചേരിതിരിഞ്ഞ് പ്രകടനങ്ങൾ നടത്തുന്നതും ഫ്ലക്സുകൾ സ്ഥാപിക്കുന്നതും ഒഴിവാക്കണമെന്ന് കോൺഗ്രസ്-യുഡിഎഫ് പ്രവർത്തകരോട് VD സതീശൻ. 102 സീറ്റുകളോടെ കോൺഗ്രസും യുഡിഎഫും ചരിത്രത്തിലെ ഏറ്റവും വലിയ വിജയം നേടിയ സാഹചര്യത്തിൽ പാർട്ടിക്കും മുന്നണിക്കും ബുദ്ധിമുട്ടുണ്ടാക്കുന്ന പ്രവർത്തനങ്ങൾ ആരുടെയും ഭാഗത്ത് നിന്നുമുണ്ടാകരുതെന്നും അദ്ദേഹം വ്യക്തമാക്കി.

കോൺഗ്രസ് നിയമസഭാ കക്ഷി നേതാവിനെ തെരഞ്ഞെടുക്കാനുള്ള ആദ്യഘട്ട നടപടികൾ പൂർത്തിയായതായും രണ്ടാംഘട്ട നടപടികളിലേക്ക് എഐസിസി കടന്നതായും സതീശൻ അറിയിച്ചു. വിജയത്തിന്റെ സന്തോഷവും അഭിമാനവും നിലനിൽക്കുന്ന ഈ ഘട്ടത്തിൽ ഐക്യവും അച്ചടക്കവും പാലിക്കണമെന്ന് നേതാക്കളോടും പ്രവർത്തകരോടും അദ്ദേഹം നിർദേശിച്ചു.

പ്രകടനങ്ങൾ, ഫ്ലക്സുകൾ തുടങ്ങിയ വിവാദങ്ങൾക്ക് ഇടയാക്കുന്ന നടപടികളിൽ നിന്ന് പ്രവർത്തകർ പിൻമാറണമെന്നും സതീശൻ ആവശ്യപ്പെട്ടു.