ഇരട്ടയാർ: ലോക പരിസ്ഥിതി ദിനാചരണത്തിന്റെ ഭാഗമായി ഇരട്ടയാർ ഗ്രാമപഞ്ചായത്തിലെ ശാന്തിഗ്രാം സ്കൂൾ സ്റ്റേഡിയത്തിൽ ബഫല്ലോ ഗ്രാസ് നടീൽ നടത്തി. ശാന്തിഗ്രാം സ്പോർട്സ് അസോസിയേഷന്റെയും മെസ്സഞ്ചർ സിറ്റി ഫുട്ബോൾ ക്ലബ്ബിന്റെയും ആഭിമുഖ്യത്തിൽ പൊതുജനങ്ങളുടെ സഹകരണത്തോടെയായിരുന്നു പരിപാടി സംഘടിപ്പിച്ചത്.

ഗ്രാമപഞ്ചായത്ത് വൈസ് പ്രസിഡന്റ് റെജി ഇലിപ്പുലിക്കാട്ടിൻ്റെ അധ്യക്ഷതയിൽ ചേർന്ന യോഗത്തിൽ ഗ്രാമപഞ്ചായത്ത് പ്രസിഡന്റ് കെ. എ. രജനി ബഫല്ലോ ഗ്രാസ് നടീൽ ഉദ്ഘാടനം നിർവഹിച്ചു.

പരിസ്ഥിതി പ്രവർത്തകനും ഗാന്ധിജി സ്കൂൾ പി.ടി.എ വൈസ് പ്രസിഡന്റുമായ സജിദാസ് മോഹൻ,കായികാധ്യാപകൻ ഡൊമിനിക് , ശാന്തിഗ്രാം സ്പോർട്സ് അസോസിയേഷൻ, മെസ്സഞ്ചർ സിറ്റി ഫുട്ബോൾ ക്ലബ് ഭാരവാഹികൾ ജിൻസ് വാതല്ലൂർ,ടോമി ആനിക്കാമുണ്ടയിൽ, അരുൺ എന്നിവർ ആശംസകൾ അർപ്പിച്ചു സംസാരിച്ചു.

പദ്ധതിയുടെ ഭാഗമായി മെസഞ്ചർ സിറ്റി സ്പോർട്സ് ക്ലബ് 10000 രൂപ സംഭാവനയായി നൽകി.സ്റ്റേഡിയം കൂടുതൽ മനോഹരവും കളിക്കാർക്ക് അനുയോജ്യവുമായ പുൽത്തകിടിയാക്കി മാറ്റുകയാണ് പദ്ധതിയുടെ ലക്ഷ്യം.