അയ്യപ്പൻകോവിൽ: പരിശുദ്ധ വട്ടശ്ശേരിൽ ഗീവർഗീസ് മാർ ദിവന്നാസിയോസ് തിരുമേനിയുടെ നാമധേയത്തിലുള്ള സെന്റ് ഡയനീഷ്യസ് ഓർത്തഡോക്സ് ഫെലോഷിപ്പിന്റെ (S.D.O.F) നേതൃത്വത്തിൽ അയ്യപ്പൻകോവിൽ സെന്റ് മേരീസ് ഓർത്തഡോക്സ് പള്ളിയിൽ സൗജന്യ പച്ചക്കറിത്തൈ വിതരണം നടത്തി.

പള്ളി അങ്കണത്തിൽ നടന്ന ചടങ്ങിൽ S.D.O.F യൂണിറ്റ് വൈസ് പ്രസിഡന്റ് എബ്രഹാം എം.കെ. മണ്ണുകുന്നേൽ സ്വാഗതം ആശംസിച്ചു. ഇടവക വികാരിയും യൂണിറ്റ് പ്രസിഡന്റുമായ റവ. ഫാ. മാത്യു ജോൺ അധ്യക്ഷത വഹിച്ചു. S.D.O.F ഭദ്രാസന സെക്രട്ടറി ജയൻ കുരുവിള വട്ടമല പരിപാടി ഉദ്ഘാടനം ചെയ്തു.

ഇടവക ട്രസ്റ്റി ഷൈൻ സി. മാത്യു, ഭദ്രാസന പി.ആർ.ഒ സിജോ എവറസ്റ്റ്, S.D.O.F യൂണിറ്റ് ട്രഷറർ ജോജി ഓലിക്കര, യൂണിറ്റ് ജോയിന്റ് സെക്രട്ടറി സൗമി പാലവിളയിൽ എന്നിവർ സംസാരിച്ചു.

റവ. ഫാ. മാത്യു ജോൺ, സിജോ എവറസ്റ്റ്, ജയൻ കുരുവിള, യൂണിറ്റ് സെക്രട്ടറി വിനേഷ് കടുപ്പിൽ എന്നിവർ ചേർന്ന് ബിനു വേലിക്കാത്ത്, ബിജു കാഞ്ഞിരപ്പാറയിൽ എന്നിവർക്ക് പച്ചക്കറിത്തൈകൾ നൽകി വിതരണ ഉദ്ഘാടനം നിർവഹിച്ചു.

“മണ്ണിനെ സ്നേഹിക്കൂ, മനസ്സിൽ നന്മ വിതയ്ക്കൂ” എന്ന സന്ദേശവുമായി സംഘടിപ്പിച്ച പരിപാടിയിൽ ഇടവക അംഗങ്ങൾക്ക് പച്ചക്കറിത്തൈകൾ വിതരണം ചെയ്തു. യൂണിറ്റ് സെക്രട്ടറി വിനേഷ് കടുപ്പിൽ നന്ദി പറഞ്ഞു.