എസ്.എസ്.എൽ.സി സർട്ടിഫിക്കറ്റ് തിരുത്തൽ ഫീസ് വർധിപ്പിച്ചു; പേര് തിരുത്തലിന് ഇനി 150 രൂപ
Reporter | Kerala Journal 
എസ്.എസ്.എൽ.സി സർട്ടിഫിക്കറ്റിലെ വിവിധ തിരുത്തലുകൾക്കും ഡ്യൂപ്ലിക്കേറ്റ് സർട്ടിഫിക്കറ്റ് ലഭിക്കുന്നതിനുമുള്ള ഫീസ് നിരക്കുകൾ പുതുക്കി. 2026 വർഷത്തേക്കുള്ള പുതിയ ഫീസ് വിവരങ്ങൾ വിദ്യാഭ്യാസ വകുപ്പ് പുറത്തിറക്കി.
പേര് തിരുത്തുന്നതിനുള്ള ഫീസ് 30 രൂപയിൽ നിന്ന് 150 രൂപയായി വർധിപ്പിച്ചു. ജനനത്തീയതി തിരുത്തുന്നതിനുള്ള ഫീസിൽ മാറ്റമില്ല; ഇതിനായി 500 രൂപ തുടരും.
മറ്റ് തിരുത്തലുകൾക്കുള്ള ഫീസ് 30 രൂപയായും ഡ്യൂപ്ലിക്കേറ്റ് സർട്ടിഫിക്കറ്റ് ലഭിക്കുന്നതിനുള്ള ഫീസ് 350 രൂപയായും തുടരും. പുതിയ ഫീസ് നിരക്കുകൾ 2026ലെ എസ്.എസ്.എൽ.സി സർട്ടിഫിക്കറ്റ് സേവനങ്ങൾക്ക് ബാധകമായിരിക്കും.
