സംസ്ഥാനത്തെ സർവീസിലുള്ളവരും വിരമിച്ചവരുമായ പോലീസ് ഉദ്യോഗസ്ഥരുടെ പരാതികൾ പരിഹരിക്കുന്നതിനായി സംസ്ഥാന പോലീസ് മേധാവി റവാഡ ആസാദ് ചന്ദ്രശേഖർ ഐ.പി.എസ്.യുടെ നേതൃത്വത്തിൽ 'SPC Talks with Cops' എന്ന പേരിൽ ഓൺലൈൻ അദാലത്ത് സംഘടിപ്പിക്കുന്നു. പരിപാടി ജൂലൈ 28-നാണ് നടക്കുന്നത്.

ഇത്തവണ ഇടുക്കി ജില്ലയിലെ സർവീസിലുള്ളതും വിരമിച്ചതുമായ പോലീസ് ഉദ്യോഗസ്ഥരുടെ പരാതികളാണ് പരിഗണിക്കുന്നത്. സംസ്ഥാന പോലീസ് മേധാവി നേരിട്ട് പരാതികൾ കേൾക്കുകയും ആവശ്യമായ പരിഹാര നിർദേശങ്ങൾ നൽകുകയും ചെയ്യും. മേലധികാരികൾ മുഖേനയല്ലാതെ ഉദ്യോഗസ്ഥർക്ക് നേരിട്ട് പരാതി സമർപ്പിക്കാനാകുമെന്നതാണ് പരിപാടിയുടെ പ്രധാന സവിശേഷത.

പരാതികൾ spctalks.pol@kerala.gov.in എന്ന ഇമെയിൽ വിലാസത്തിലേക്ക് അയയ്ക്കണം. പരാതിയിൽ നിർബന്ധമായും മൊബൈൽ നമ്പർ ഉൾപ്പെടുത്തണം. പരാതികൾ സ്വീകരിക്കുന്ന അവസാന തീയതി ജൂലൈ 13 ആണ്.

കൂടുതൽ വിവരങ്ങൾക്ക് 9497900243 എന്ന ഹെൽപ്‌ലൈൻ നമ്പറിൽ ബന്ധപ്പെടാം.