കുമിളി: പ്രധാൻ മന്ത്രി ആവാസ് യോജന–ഗ്രാമീൺ (PMAY-G) ഭവന പദ്ധതിയുടെ ഗുണഭോക്തൃ പട്ടിക പുതുക്കുന്നതിനായി കുമിളി ഗ്രാമപഞ്ചായത്തിൽ പ്രത്യേക ഗ്രാമസഭ ചേരും. ജൂലൈ 8 ബുധനാഴ്ച രാവിലെ 10 മണിക്ക് കുമിളി YMCA ഹാളിലാണ് യോഗം നടക്കുക.

2025 ഏപ്രിലിൽ നടത്തിയ പുതിയ സർവേയുടെ അടിസ്ഥാനത്തിൽ എസ്.ടി., എസ്.സി., ജനറൽ വിഭാഗങ്ങളിലായി ആകെ 318 ഗുണഭോക്താക്കളെയാണ് കുമിളി ഗ്രാമപഞ്ചായത്തിൽ ഉൾപ്പെടുത്തിയിരിക്കുന്നത്. ഈ പട്ടികയിലെ ഗുണഭോക്താക്കളുടെ അർഹത പരിശോധിച്ച് ഗ്രാമസഭയുടെ അംഗീകാരം നേടിയ ശേഷമായിരിക്കും കേന്ദ്ര സർക്കാരിന്റെ പോർട്ടലിലേക്ക് പട്ടിക സമർപ്പിക്കുക.

അതിനാൽ സർവേ പട്ടികയിൽ ഉൾപ്പെട്ടിട്ടുള്ള എല്ലാ ഗുണഭോക്താക്കളും ജൂലൈ 8ന് രാവിലെ 10 മണിക്ക് YMCA ഹാളിൽ നടക്കുന്ന പ്രത്യേക ഗ്രാമസഭയിൽ നിർബന്ധമായും പങ്കെടുക്കണമെന്ന് പഞ്ചായത്ത് അധികൃതർ അറിയിച്ചു.