കമ്പംമെട്ട്–കമ്പം അന്തർസംസ്ഥാന പാതയിൽ ഗതാഗതം പുനരാരംഭിച്ചു
Reporter | Kerala Journal 
കട്ടപ്പന: ഇടുക്കി–തമിഴ്നാട് അതിർത്തിയിലെ കമ്പംമെട്ട്–കമ്പം അന്തർസംസ്ഥാന പാതയിൽ ഇന്ന് മുതൽ ഭാഗികമായി ഗതാഗതം പുനരാരംഭിച്ചു. രാവിലെ 6 മണി മുതൽ ചെറുവാഹനങ്ങൾക്ക് റോഡിലൂടെ യാത്രാനുമതി നൽകി.
റോഡിന്റെ നവീകരണവും പാലങ്ങളുടെ നിർമാണ പ്രവർത്തനങ്ങളും തുടരുന്നതിനാൽ ടിപ്പർ ലോറികൾ ഉൾപ്പെടെയുള്ള ഭാരവാഹനങ്ങൾക്ക് നിലവിൽ നിയന്ത്രണം തുടരുകയാണ്.
.jpg)
നിർമാണ പ്രവർത്തനങ്ങൾ പൂർത്തിയാകുന്നതുവരെ ഭാരവാഹനങ്ങൾക്ക് യാത്രാനുമതി ഉണ്ടാകില്ലെന്നും അധികൃതർ അറിയിച്ചു. യാത്രക്കാർ ഗതാഗത നിയന്ത്രണങ്ങൾ പാലിച്ച് യാത്ര ചെയ്യണമെന്നും ബന്ധപ്പെട്ട വകുപ്പ് നിർദേശിച്ചു.
