മുരിക്കാശ്ശേരി: ഇടുക്കി രൂപത വിശ്വാസപരിശീലന വിഭാഗത്തിന്റെയും ചെറുപുഷ്പ മിഷൻ ലീഗിന്റെയും സംയുക്ത രൂപതാ വാർഷികവും കൗൺസിലും മുരിക്കാശ്ശേരി പാവനാത്മ കോളേജിൽ നടന്നു.

ഇടുക്കി രൂപത മെത്രാൻ മാർ ജോൺ നെല്ലിക്കുന്നേൽ സമ്മേളനം ഉദ്ഘാടനം ചെയ്തു. രൂപത ഡയറക്ടർ ഫാ. ഫിലിപ്പ് ഐക്കര സ്വാഗതം ആശംസിച്ചു. രൂപത മുഖ്യ വികാരി ജനറാൾ മോൺ. ജോസ് കരിവേലിക്കൽ അധ്യക്ഷത വഹിച്ചു. രൂപതാ മാഗസിൻ മോൺ. ജോസ് നരിതൂക്കിൽ പ്രകാശനം ചെയ്തു.

കഴിഞ്ഞ പ്രവർത്തനവർഷത്തെ റിപ്പോർട്ട് ഡിജിറ്റൽ രൂപത്തിൽ അവതരിപ്പിച്ചു. മികച്ച സൺഡേ സ്കൂളുകൾക്കും മികച്ച മിഷൻ ലീഗ് ശാഖകൾക്കും മേഖലകൾക്കും പുരസ്കാരങ്ങൾ വിതരണം ചെയ്തു. വിശ്വാസപരിശീലന രംഗത്ത് 25 വർഷം പൂർത്തിയാക്കിയവരെയും ലോഗോസ് ക്വിസ് പരീക്ഷയിൽ ഉന്നത വിജയം നേടിയവരെയും സംസ്ഥാനതല പ്രതിഭകളെയും ജൂബിലി ചലഞ്ച് വിജയകരമായി പൂർത്തിയാക്കിയവരെയും ചടങ്ങിൽ ആദരിച്ചു.

വാർഷികത്തോടനുബന്ധിച്ച് പ്രേഷിത റാലിയും വിവിധ കലാപരിപാടികളും അരങ്ങേറി. മിഷൻ ലീഗ് രൂപത പ്രസിഡന്റ് സെസിൽ ജോസ് ആശംസകൾ നേർന്നു. ജനറൽ സെക്രട്ടറി മാർട്ടിൻ മാത്യു നന്ദി രേഖപ്പെടുത്തി.

വിവിധ ഇടവകകളിൽ നിന്നായി നൂറുകണക്കിന് മിഷൻ ലീഗ് അംഗങ്ങൾ, വൈദികർ, സന്യസ്തർ, അധ്യാപകർ എന്നിവർ പരിപാടിയിൽ പങ്കെടുത്തു.

മിഷൻ ലീഗ് രൂപത വൈസ് ഡയറക്ടർ സി. സ്റ്റാർലറ്റ് സി.എം.സി, രൂപത ജനറൽ ഓർഗനൈസർ ജെയിംസ് തോമസ്, സി. ടെസ്സി എസ്.എച്ച്, ബ്രദർ ബിനെറ്റ് തെക്കേവയലിൽ, സി. അഞ്ജിത എഫ്.സി.സി, അമൽ ജോണി, സി. അൻസാ എസ്.എച്ച്, അയോണ ജോഷി, ജോർജ്കുട്ടി സെബാസ്റ്റ്യൻ, ബിനോയി കെ.യു, റോബിൻ ജോസഫ്, ജെഫിൻ ജോജോ, ആഷ്ബിൻ ബെന്നി, പ്രിയാമോൾ ജോസഫ്, ജിബിൻ തോമസ്, യേസ് ആനിമേറ്റേഴ്സ് എന്നിവർ പരിപാടികൾക്ക് നേതൃത്വം നൽകി.