അടിമാലിയിൽ വി.എസ്. അനുസ്മരണ ജാഥയും പൊതുയോഗവും സംഘടിപ്പിച്ചു
Reporter | Kerala Journal 
അടിമാലി: മുൻ മുഖ്യമന്ത്രി വി.എസ്. അച്യുതാനന്ദനെ അനുസ്മരിച്ച് അടിമാലിയിൽ അനുസ്മരണ ജാഥയും പൊതുയോഗവും സംഘടിപ്പിച്ചു. മുൻ മന്ത്രി എം.എം. മണി അനുസ്മരണ യോഗം ഉദ്ഘാടനം ചെയ്തു.
.jpg)
വി.എസ്. നയിച്ച സമരജീവിതത്തിന്റെ ഓർമകൾ ഉദ്ഘാടന പ്രസംഗത്തിൽ എം.എം. മണി അനുസ്മരിച്ചു. വി.എസിനൊപ്പം നടത്തിയ ആദ്യകാല പാർട്ടി പ്രവർത്തനങ്ങളും ചുരുളി–കീരിത്തോട് സമരം, അമരാവതി സമരം, ദേവികുളം ഉപതിരഞ്ഞെടുപ്പ് പ്രവർത്തനങ്ങൾ എന്നിവയും അദ്ദേഹം സ്മരിച്ചു.
ഏരിയ കമ്മിറ്റി അംഗം കെ.ബി. വരദരാജൻ അധ്യക്ഷത വഹിച്ചു. അടിമാലി ഏരിയ സെക്രട്ടറി ചാണ്ടി പി. അലക്സാണ്ടർ, ടി.കെ. ഷാജി, മാത്യു ഫിലിപ്പ്, സി.ഡി. ഷാജി, ജയൻ എന്നിവർ അനുസ്മരണ യോഗത്തിൽ സംസാരിച്ചു.
