കട്ടപ്പന: ലൈറ്റ് ആൻഡ് സൗണ്ട് മേഖലയിൽ പ്രവർത്തിക്കുന്നവരുടെ ക്ഷേമവും ഉന്നമനവും ലക്ഷ്യമാക്കി പ്രവർത്തിക്കുന്ന ലൈറ്റ് ആൻഡ് സൗണ്ട് വെൽഫെയർ അസോസിയേഷന്റെ കട്ടപ്പന മേഖല സമ്മേളനം മേരികുളത്തെ ദീപ്തി സൗണ്ട് അങ്കണത്തിൽ നടന്നു.

സംഘടനയുടെ ജില്ലാ സെക്രട്ടറി ജെ. ജയകുമാർ സമ്മേളനം ഉദ്ഘാടനം ചെയ്തു. കട്ടപ്പന മേഖല വൈസ് പ്രസിഡന്റ് ദിലീപ് പവിത്ര അധ്യക്ഷത വഹിച്ചു. ജില്ലാ പ്രസിഡന്റ് ജിജി തോമസ് മുഖ്യപ്രഭാഷണം നടത്തി.

മേഖല സെക്രട്ടറി ബിബിൻ തോമസ്, ജനറൽ സെക്രട്ടറി ഗിരീഷ്, മേഖല ട്രഷറർ അരുൺ അശോക്, സാബു, ആനന്ദ് കട്ടപ്പന എന്നിവർ സംസാരിച്ചു.

ലൈറ്റ് ആൻഡ് സൗണ്ട് മേഖലയിലെ തൊഴിലാളികളുടെയും സംരംഭകരുടെയും ക്ഷേമം ഉറപ്പാക്കുന്നതിനും അവരുടെ തൊഴിൽരംഗത്തെ പ്രശ്നങ്ങൾ പരിഹരിക്കുന്നതിനുമായി സംഘടന വിവിധ ക്ഷേമപദ്ധതികളും സാമൂഹിക സേവന പ്രവർത്തനങ്ങളും നടപ്പാക്കി വരുന്നതായി ഭാരവാഹികൾ അറിയിച്ചു.

സമ്മേളനത്തിൽ സംഘടനയുടെ ഭാവി പ്രവർത്തനങ്ങൾ വിലയിരുത്തുകയും നിലവിൽ ലൈറ്റ് ആൻഡ് സൗണ്ട് മേഖല നേരിടുന്ന വെല്ലുവിളികൾ, അവയ്ക്കുള്ള പരിഹാര മാർഗങ്ങൾ, അംഗങ്ങളുടെ ക്ഷേമവുമായി ബന്ധപ്പെട്ട വിഷയങ്ങൾ എന്നിവ വിശദമായി ചർച്ച ചെയ്യുകയും ചെയ്തു.