ഇടുക്കി: എസ്.എൻ.ഡി.പി യോഗം ഇടുക്കി യൂണിയൻ വനിതാസംഘത്തിന്റെ വാർഷിക പൊതുയോഗവും ഭരണസമിതി തിരഞ്ഞെടുപ്പും യൂണിയൻ സെക്രട്ടറി സുരേഷ് കോട്ടയ്ക്കകത്തിന്റെ അധ്യക്ഷതയിൽ നടന്നു. യൂണിയൻ പ്രസിഡന്റ് പി. രാജൻ ഉദ്ഘാടനം ചെയ്തു.

വനിതാസംഘം പ്രസിഡന്റ് പ്രീത ബിജു സ്വാഗതം ആശംസിച്ചു. സെക്രട്ടറി മിനി സജി പ്രവർത്തന റിപ്പോർട്ടും വരവ്-ചെലവ് കണക്കും അവതരിപ്പിച്ചു.

ഭരണസമിതി തിരഞ്ഞെടുപ്പിൽ ഡോ. ഷീല കമലാധരനെ പ്രസിഡന്റായും, പുഷ്പ മോഹൻദാസിനെ വൈസ് പ്രസിഡന്റായും, ഷീല രാജീവിനെ സെക്രട്ടറിയായും തിരഞ്ഞെടുത്തു.

കൗൺസിൽ അംഗങ്ങളായി ബിനീത അനീഷ്, സൗമ്യ അനീഷ്, കല സന്തോഷ്, രമണി പ്രസാദ്, ഉഷ സോമൻ, സുലോചന രഘു എന്നിവരെയും, കേന്ദ്രസമിതി അംഗങ്ങളായി മിനി സജി, പ്രീത ബിജു എന്നിവരെയും തെരഞ്ഞെടുത്തു.

വൈദിക സമിതി യൂണിയൻ ചെയർമാൻ മഹേന്ദ്രൻ ശാന്തി അനുഗ്രഹപ്രഭാഷണം നടത്തി. യൂണിയൻ കൗൺസിലർ മനേഷ് കുടിക്കയത്ത്, പഞ്ചായത്ത് കമ്മിറ്റി അംഗം ബിനീഷ് കോട്ടൂർ, യൂത്ത് മൂവ്മെന്റ് പ്രസിഡന്റ് ജോമോൻ കണിയാംകുടിയിൽ, വൈസ് പ്രസിഡന്റ് അഖിൽ സാബു, സെക്രട്ടറി ബിബിൻ കുന്നിനിയിൽ, ദിതിൻ ബാബു, അരുണ്‍ കുമാർ എന്നിവർ പ്രസംഗിച്ചു.ഷീല രാജീവ് നന്ദി രേഖപ്പെടുത്തി.