കട്ടപ്പന: ഇരുവൃക്കകളും തകരാറിലായി ചികിത്സയിൽ കഴിയുന്ന സ്വരാജ് സ്വദേശി ആറ്റുകുഴിയിൽ ജോജിമോൻ (35) വേണ്ടി കട്ടപ്പന മ്യൂസിക് ക്ലബ്ബ് (KMC) സംഘടിപ്പിച്ച ഗാനമേളയിലൂടെ സമാഹരിച്ച സഹായനിധി കുടുംബത്തിന് കൈമാറി.

കട്ടപ്പന പുതിയ ബസ് സ്റ്റാൻഡിൽ നടന്ന ഗാനമേളയുടെ ഉദ്ഘാടനം കട്ടപ്പന മുനിസിപ്പാലിറ്റി ചെയർമാൻ ജോയി വെട്ടിക്കുഴി നിർവഹിച്ചു. ഫ്രണ്ട്സ് ഓഫ് കട്ടപ്പന പ്രസിഡന്റ് സിജോ എവറസ്റ്റ് വിഷയാവതരണം നടത്തി. കൗൺസിലർ വി.ആർ. സജി, കാർട്ടൂണിസ്റ്റ് സജിദാസ്, മാധ്യമ പ്രവർത്തകൻ ജൈബി ജോസഫ്, വിവിധ സാംസ്കാരിക സംഘടനാ ഭാരവാഹികൾ എന്നിവർ ആശംസകൾ നേർന്നു.

തുടർന്ന് കട്ടപ്പനയിലെയും സമീപ പ്രദേശങ്ങളിലെയും ഗായകരും ഉപകരണ സംഗീതജ്ഞരും ചേർന്ന് വൈകിട്ട് 7.30 വരെ ഗാനമേള അവതരിപ്പിച്ചു. പരിപാടിക്കൊപ്പം ബസ് സ്റ്റാൻഡിലും ടൗണിലെ വ്യാപാര സ്ഥാപനങ്ങളിലും KMC അംഗങ്ങൾ ജോജിമോനുവേണ്ടി സഹായധനവും സമാഹരിച്ചു.

സമാപന സമ്മേളനത്തിൽ KMC പ്രസിഡന്റ് ജോസഫ് അധ്യക്ഷത വഹിച്ചു. കാഞ്ചിയാർ ഗ്രാമപഞ്ചായത്ത് പ്രസിഡന്റ് സെലിൻ തോമസ്, ക്ലബ്ബ് ഭാരവാഹികളിൽ നിന്ന് സഹായനിധി ഏറ്റുവാങ്ങി ജോജിമോന്റെ പിതാവിന് കൈമാറി.

ബ്ലോക്ക് പഞ്ചായത്ത് അംഗം റോയി എവറസ്റ്റ്, കേരള ആർട്ടിസ്റ്റ് ഫ്രട്ടേണിറ്റി ഇടുക്കി ജില്ലാ പ്രസിഡന്റ് ബിനോ കട്ടപ്പന, സിജോ എവറസ്റ്റ്, കട്ടപ്പന മർച്ചന്റ്സ് അസോസിയേഷൻ സെക്രട്ടറി ജോഷി കുട്ടാട്, വിവിധ സംഘടനാ പ്രതിനിധികൾ എന്നിവർ ചടങ്ങിൽ പങ്കെടുത്തു.

KMC രക്ഷാധികാരി ജോമാൻ കട്ടപ്പന, പരിപാടിക്ക് സഹകരിച്ച മർച്ചന്റ്സ് അസോസിയേഷൻ, ബസ് ഓപ്പറേറ്റേഴ്സ് അസോസിയേഷൻ, അനൗൺസർ ബെന്നി കളപ്പുരയ്ക്കൽ, മാധ്യമ പ്രവർത്തകർ, പോലീസ്, സൗണ്ട് എൻജിനീയർമാർ, ഓട്ടോമൊബൈൽ അസോസിയേഷൻ, വിവിധ സാംസ്കാരിക സംഘടനകൾ, വ്യാപാര സ്ഥാപനങ്ങൾ, മുനിസിപ്പാലിറ്റി എന്നിവർക്കും നന്ദി രേഖപ്പെടുത്തി. സെക്രട്ടറി ബിജോയ് സ്വരലയയുടെ നേതൃത്വത്തിലായിരുന്നു പരിപാടിയുടെ ഏകോപനം.

കട്ടപ്പന മ്യൂസിക് ക്ലബ്ബിൽ അംഗത്വത്തിനും കൂടുതൽ വിവരങ്ങൾക്കും:

📞 94471 94869 📞 97474 92807