സംസ്ഥാനത്ത് വാട്സ്ആപ്പിലൂടെ വ്യാജ "അക്കൗണ്ട് സ്റ്റേറ്റ്‌മെന്റ്", "കെവൈസി അപ്ഡേറ്റ്", "ബാങ്ക് അലർട്ട്" എന്നീ സന്ദേശങ്ങൾ അയച്ച് ഉപഭോക്താക്കളെ കബളിപ്പിക്കുന്ന സൈബർ തട്ടിപ്പുകൾ വർധിക്കുന്നതായി മുന്നറിയിപ്പ്. അജ്ഞാത നമ്പറുകളിൽ നിന്ന് ലഭിക്കുന്ന സന്ദേശങ്ങളിലെ ലിങ്കുകളിൽ ക്ലിക്ക് ചെയ്യുകയോ, ഒ.ടി.പി., സി.വി.വി., ബാങ്ക് വിവരങ്ങൾ എന്നിവ പങ്കുവെക്കുകയോ ചെയ്യരുതെന്ന് അധികൃതർ നിർദേശിക്കുന്നു.

പരിചയമില്ലാത്തവർ അയക്കുന്ന പി.ഡി.എഫ്., എ.പി.കെ. തുടങ്ങിയ ഫയലുകൾ ഡൗൺലോഡ് ചെയ്യുന്നതും മൊബൈൽ ഫോണിന്റെ സുരക്ഷയെ ബാധിച്ചേക്കാമെന്ന് മുന്നറിയിപ്പിൽ പറയുന്നു.

സംശയാസ്പദമായ സന്ദേശങ്ങൾ ലഭിച്ചാൽ ഉടൻ ബന്ധപ്പെട്ട ബാങ്കുമായി ബന്ധപ്പെടുകയും ദേശീയ സൈബർ തട്ടിപ്പ് ഹെൽപ്‌ലൈൻ 1930-ൽ പരാതി നൽകുകയോ സൈബർ ക്രൈം പോർട്ടലിലൂടെ പരാതി രജിസ്റ്റർ ചെയ്യുകയോ ചെയ്യണമെന്ന് അധികൃതർ അറിയിച്ചു.