കട്ടപ്പന: വാഴവര കേന്ദ്രമായി പ്രവർത്തിക്കുന്ന ‘സമൃദ്ധി കൂട്ടായ്മ’യുടെ വാർഷിക ആഘോഷവും കുടുംബസംഗമവും നടന്നു. കട്ടപ്പന പാറക്കടവിലുള്ള ഗ്രീൻ ടെബിൾ ഓഡിറ്റോറിയത്തിൽ വെച്ച് നടന്ന ചടങ്ങിൽ പ്രസിഡന്റ്  പ്രദീപ് ശ്രീധരൻ അധ്യക്ഷത വഹിച്ചു.

​ശ്രീ ഐ.ബി. എബ്രഹാം സ്വാഗതം ആശംസിച്ചു തുടർന്ന് സെക്രട്ടറി ബെന്റോ ജോസഫ് വാർഷിക റിപ്പോർട്ടും കണക്കും അവതരിപ്പിച്ചു. അംഗങ്ങളുടെയും കുടുംബാംഗങ്ങളുടെയും പരിചയപ്പെടൽ ചടങ്ങും ഇതോടൊപ്പം സംഘടിപ്പിച്ചു.

​യോഗത്തിൽ വിദ്യഭ്യാസ രംഗത്ത് മികച്ച വിജയം കൈവരിച്ച കുട്ടികളെ അനുമോദിക്കുകയും വാഴവരയിലെ കിടപ്പുരോഗിയായ വ്യക്തിക്ക് ധനസഹായം കൈമാറുകയും ചെയ്തു.

​ചടങ്ങിൽ ശ്രീ ജോസഫ് പി.കെ, സജീവ് എം.പി, അനിൽ കുമാർ, ബിന്നി കുര്യൻ, ആതിര അനിൽ കുമാർ, മനോജ് രാഘവൻ, ബ്രിലിൻ സാറ ടോമി എന്നിവർ ആശംസകൾ അർപ്പിച്ചു സംസാരിച്ചു. ഈ മാസം 26-ാം തീയതി വൈകിട്ട് 5 മണിക്ക് ആരംഭിച്ച ആഘോഷ പരിപാടികൾ രാത്രി 8 മണിയോടെയാണ് അവസാനിച്ചത്.