കോട്ടയം ജില്ലാ ഇൻഫർമേഷൻ ഓഫീസിൽ ഫോട്ടോഗ്രാഫർമാരുടെയും വീഡിയോഗ്രാഫർമാരുടെയും പാനൽ രൂപീകരിക്കുന്നതിനായി ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് (പി.ആർ.ഡി) അപേക്ഷ ക്ഷണിച്ചു. ഒരു വർഷത്തേക്കാണ് കരാർ അടിസ്ഥാനത്തിൽ നിയമനം. കോട്ടയം ജില്ലയിലെ സ്ഥിരതാമസക്കാരെയാണ് പരിഗണിക്കുക. അപേക്ഷകർ പോലീസ് ക്ലിയറൻസ് സർട്ടിഫിക്കറ്റ് ഹാജരാക്കണം.

വീഡിയോഗ്രാഫർക്ക് യോഗ്യത

ദൃശ്യമാധ്യമ രംഗത്ത് കുറഞ്ഞത് ഒരു വർഷത്തെ പ്രവൃത്തിപരിചയം.

പി.ആർ.ഡിയിലോ ഇലക്ട്രോണിക് വാർത്താ മാധ്യമങ്ങളിലോ വീഡിയോഗ്രാഫി/വീഡിയോ എഡിറ്റിംഗ് പരിചയമുള്ളവർക്ക് മുൻഗണന.

പ്രീഡിഗ്രി അല്ലെങ്കിൽ പ്ലസ് ടു യോഗ്യത അഭിലഷണീയം.

സ്വന്തമായി ഫുൾ എച്ച്.ഡി പ്രൊഫഷണൽ ക്യാമറയും അനുബന്ധ ഉപകരണങ്ങളും ഉണ്ടായിരിക്കണം.

വാർത്താ വീഡിയോകൾ അതിവേഗം എഡിറ്റ് ചെയ്ത് നൽകാനുള്ള കഴിവ് ആവശ്യമാണ്.

ഫോട്ടോഗ്രാഫർക്ക് യോഗ്യത

ഡിജിറ്റൽ എസ്.എൽ.ആർ അല്ലെങ്കിൽ മിറർലെസ് ക്യാമറ ഉപയോഗിച്ച് ഹൈ റെസല്യൂഷൻ വാർത്താചിത്രങ്ങൾ പകർത്താനുള്ള കഴിവ്.

വൈ-ഫൈ സൗകര്യമുള്ള ക്യാമറയുള്ളവർക്ക് മുൻഗണന.

പി.ആർ.ഡിയിലോ പത്രസ്ഥാപനങ്ങളിലോ പ്രവൃത്തിപരിചയമുള്ളവർക്കും മുൻഗണന ലഭിക്കും.

അപേക്ഷകളും അനുബന്ധ രേഖകളും 2026 ഓഗസ്റ്റ് 7 വൈകിട്ട് 4 മണിക്ക് മുൻപ് കോട്ടയം ജില്ലാ ഇൻഫർമേഷൻ ഓഫീസിൽ സമർപ്പിക്കണം. ഷോർട്ട്‌ലിസ്റ്റ് ചെയ്യുന്ന ഉദ്യോഗാർഥികളെ അഭിമുഖത്തിന്റെയും പ്രായോഗിക പരീക്ഷയുടെയും അടിസ്ഥാനത്തിൽ തിരഞ്ഞെടുക്കും.

കൂടുതൽ വിവരങ്ങൾക്ക്: ജില്ലാ ഇൻഫർമേഷൻ ഓഫീസ്, കളക്ടറേറ്റ്, കോട്ടയം.

ഫോൺ: 0481 2562558