കട്ടപ്പനയിൽ എംഡിഎംഎയും ഹാഷിഷ് ഓയിലും പിടികൂടി; യുവാവ് അറസ്റ്റിൽ
Reporter | Kerala Journal
0
1.1k
കട്ടപ്പന: കട്ടപ്പന–പുളിയന്മല റോഡിൽ ഹിൽടോപ്പിന് സമീപം എംഡിഎംഎയും ഹാഷിഷ് ഓയിലും കൈവശം സൂക്ഷിച്ചിരുന്ന യുവാവിനെ കട്ടപ്പന പൊലീസ് അറസ്റ്റ് ചെയ്തു.
വണ്ടൻമേട് സ്വദേശിയായ പ്രസൂൺ ആണ് പിടിയിലായത്. ഇയാളിൽ നിന്ന് 1.70 ഗ്രാം എംഡിഎംഎ (MDMA)യും 8.12 ഗ്രാം ഹാഷിഷ് ഓയിലും പൊലീസ് പിടിച്ചെടുത്തു.
എറണാകുളത്ത് നിന്ന് വണ്ടൻമേട്ടിലേക്ക് വരുന്നതിനിടെയാണ് ഹിൽടോപ്പിന് സമീപത്ത് നടത്തിയ പരിശോധനയിൽ പ്രതി പൊലീസിന്റെ പിടിയിലായത്. കട്ടപ്പന പൊലീസ് കേസെടുത്ത് തുടർനടപടികൾ സ്വീകരിച്ചുവരികയാണ്.
