.webp)
കനത്ത മഴ : പാലാ മേഖലയിൽ ജലനിരപ്പ് ഉയരുന്നു; ജാഗ്രത തുടരാൻ നിർദേശം
Reporter | Kerala Journal 
പാലാ വലിയ പാലത്തിലെ വാട്ടർ സ്കെയിലിൽ ഇന്ന് പുലർച്ചെ 4 മണിക്ക് 17 അടി ജലനിരപ്പാണ് രേഖപ്പെടുത്തിയത്. ഏതാനും മണിക്കൂർ മുമ്പ് ഇത് 15 അടിയായിരുന്നു, അതായത് മണിക്കൂറുകൾക്കിടെ ജലനിരപ്പിൽ ഗണ്യമായ വർധനവുണ്ടായി.
അതേസമയം, മൂന്നാനി ഭാഗത്ത് റോഡിന് മുകളിലൂടെ രണ്ടടിയിലേറെ വെള്ളം കയറിയതോടെ യാത്ര അതീവ അപകടകരമായിരിക്കുകയാണ്.
നിലവിൽ മഴയ്ക്ക് നേരിയ ശമനമുണ്ടെങ്കിലും, മലയോര മേഖലകളിൽ നിന്ന് ഒഴുകിയെത്തുന്ന വെള്ളത്തെ തുടർന്ന് മീനച്ചിലാറ്റിലെ ജലനിരപ്പ് ഇപ്പോഴും ഉയരുന്ന സാഹചര്യമാണ്. താഴ്ന്ന പ്രദേശങ്ങളിലുള്ളവർ ജാഗ്രത പാലിക്കണമെന്നും വെള്ളക്കെട്ടുള്ള റോഡുകളിലൂടെയുള്ള യാത്ര പരമാവധി ഒഴിവാക്കണമെന്നും അധികൃതർ നിർദേശിക്കുന്നു.
