അടിമാലി താലൂക്ക് ആശുപത്രിയിലെ ‘വിശപ്പുരഹിത കൗണ്ടർ’ നിറയ്ക്കാൻ ‘നിറവ്’ പദ്ധതിക്ക് തുടക്കം
Reporter | Kerala Journal 
അടിമാലി: അടിമാലി താലൂക്ക് ആശുപത്രിയിലെ വിശപ്പുരഹിത കൗണ്ടർ നിറയ്ക്കുന്നതിനായി എസ്.എൻ.ഡി.പി ഹയർസെക്കൻഡറി സ്കൂളിലെ എൻ.എസ്.എസ് യൂണിറ്റിന്റെ നേതൃത്വത്തിൽ ‘നിറവ്’ പദ്ധതിക്ക് തുടക്കമായി.
സ്കൂൾ ഓഡിറ്റോറിയത്തിൽ നടന്ന ചടങ്ങിൽ നാഷണൽ സർവീസ് സ്കീം സംസ്ഥാന കോർഡിനേറ്റർ ഡോ. സന്തോഷ് കുമാർ പദ്ധതി ഉദ്ഘാടനം ചെയ്തു.
തുടർന്ന് എൻ.എസ്.എസ് വോളണ്ടിയർമാർ ശേഖരിച്ച ഭക്ഷ്യവസ്തുക്കൾ ദേവാനന്ദ്, അമേയ സുനിൽ എന്നിവരുടെ നേതൃത്വത്തിൽ അടിമാലി താലൂക്ക് ആശുപത്രിയിലെ വിശപ്പുരഹിത കൗണ്ടറിൽ എത്തിച്ച് കൈമാറി.
എൻ.എസ്.എസ് അടിമാലി ക്ലസ്റ്റർ കൺവീനർ അഭീഷ് സി., പ്രോഗ്രാം ഓഫീസർമാരായ സൗമ്യ എസ്. രാജൻ, പി. യമുനാദേവി, അധ്യാപകൻ ആർ. ബി. വിഷ്ണു എന്നിവർ പരിപാടികൾക്ക് നേതൃത്വം നൽകി.
.jpg)
