ഇടുക്കി: ഇട്ടിത്തോപ്പിൽ നിന്ന് ഏകദേശം എട്ട് കിലോഗ്രാം കഞ്ചാവുമായി യുവാക്കൾ പിടിയിലായി. ഏഴ് പേരടങ്ങുന്ന സംഘം ആളൊഴിഞ്ഞ വീട്ടിൽ വച്ച് കഞ്ചാവ് പൊതികൾ കൈമാറുന്നതിനിടെയാണ് പോലീസ് ഇവരെ പിടികൂടിയത്.

നാല് പാക്കറ്റുകളിലായി സൂക്ഷിച്ചിരുന്ന കഞ്ചാവാണ് പോലീസ് പിടിച്ചെടുത്തത്. പിടിച്ചെടുത്ത കഞ്ചാവിന് ഏകദേശം എട്ട് കിലോഗ്രാം തൂക്കമുണ്ടെന്നാണ് പ്രാഥമിക വിലയിരുത്തൽ.

വീട്ടുടമ ഈട്ടിത്തോപ്പ് കൊച്ചുമറ്റത്തിൽ തോമസ് (23), ചെമ്പകപ്പാറ ചെരുവ്‌കാലായിൽ ആൽബിൻ (20), നാങ്കുതൊട്ടി മണിമലക്കുന്നേൽ ജിൻസ്മോൻ മാത്യു (24), മേലെചിന്നാർ കമ്മട്ടിക്കൽ വിമൽ റോയി (21), കൊച്ചുതോവാള കുന്നുംപുറത്ത് ഷിൽറ്റു ഷാജി (23), തോവാള ആശ്രമംപടി പുൽപ്പാറക്കൽ ശരത് സാബു (23), തേക്കിൻകാനം കാരിയേലിൽ നോബിൾ എൽദോസ് (22) എന്നിവരാണ് പിടിയിലായത്. ഇവർ നിരന്തരം കഞ്ചാവ് വിൽപ്പനയും ഉപയോഗവും നടത്തി വന്നിരുന്നതായ് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.