സാമ്പത്തിക സ്ഥിതിവിവരകണക്ക് വകുപ്പ് നടപ്പാക്കുന്ന **അസംയോജിത കാർഷികേതര മേഖലയിലെ വാർഷിക സർവേ (ASUSE)**യുടെ ഭാഗമായി എന്യൂമറേറ്റർമാരെ കരാർ അടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു. ഉൽപ്പാദനം, വ്യാപാരം, മറ്റ് സേവന മേഖലകൾ (നിർമ്മാണ മേഖല ഒഴികെ) എന്നിവയുമായി ബന്ധപ്പെട്ട സ്ഥാപനങ്ങളിൽ നിന്നും വീടുകളിൽ നിന്നും വിവരശേഖരണം നടത്തുന്നതിനാണ് നിയമനം.

നിയമനത്തിന്റെ കാലാവധി 2027 മാർച്ച് 31 വരെയാണ്. ഓരോ ജില്ലയിലും രണ്ട് ഒഴിവുകൾ വീതമാണുള്ളത്.

യോഗ്യത:

ഇക്കണോമിക്സ്, സ്റ്റാറ്റിസ്റ്റിക്സ്, ഗണിതശാസ്ത്രം അല്ലെങ്കിൽ കൊമേഴ്‌സ് ബിരുദം (സ്റ്റാറ്റിസ്റ്റിക്സ് പ്രധാന/ഉപവിഷയമായി പഠിച്ചിരിക്കണം).

35 വയസ് കവിയരുത്.

കമ്പ്യൂട്ടർ, ഡാറ്റ എൻട്രി പരിജ്ഞാനം, ഫീൽഡ് വർക്കിനുള്ള ശാരീരികക്ഷമത എന്നിവ നിർബന്ധമാണ്.

സർവേ പ്രവർത്തനങ്ങളിൽ മുൻപരിചയമുള്ളവർക്ക് മുൻഗണന ലഭിക്കും.

താത്പര്യമുള്ളവർ 2026 ഓഗസ്റ്റ് 10-നകം ഗൂഗിൾ ഫോം വഴി അപേക്ഷ സമർപ്പിക്കണം. ഒരു ഉദ്യോഗാർഥിക്ക് ഒരു ജില്ലയിലേക്ക് മാത്രമേ അപേക്ഷിക്കാനാകൂ. തിരഞ്ഞെടുക്കപ്പെടുന്ന ജില്ലയിലെ പരിധിക്കുള്ളിലായിരിക്കും ജോലി.

അപേക്ഷകരെ ബന്ധപ്പെട്ട ജില്ലയിലെ സാമ്പത്തിക സ്ഥിതിവിവരകണക്ക് വകുപ്പിന്റെ ജില്ലാ ഓഫീസിൽ നടത്തുന്ന അഭിമുഖത്തിന്റെ അടിസ്ഥാനത്തിലായിരിക്കും തിരഞ്ഞെടുക്കുക.