ഓസ്ട്രിയയിൽ വാഹനാപകടം; മലയാളി വൈദിക വിദ്യാർഥിക്ക് ദാരുണാന്ത്യം
Reporter | Kerala Journal 
ഓസ്ട്രിയയിലെ ലിൻസിലുണ്ടായ വാഹനാപകടത്തിൽ മലയാളി വൈദിക വിദ്യാർഥി മരിച്ചു. പെരുമ്പല്ലൂർ പൊതൂർ സ്വദേശികളായ ഷാജൻ മാത്യുവിന്റെയും റെജിയുടെയും ഏക മകൻ മാത്യൂസ് പൊതൂർ (33) ആണ് മരിച്ചത്.
ജർമനിയിലെ ഫ്രൈബുർഗ് രൂപതയിൽ വൈദിക പഠനത്തിന്റെ അവസാനഘട്ടത്തിലായിരുന്നു മാത്യൂസ്. വൈദിക പരിശീലനത്തിന്റെ ഭാഗമായി ഓസ്ട്രിയയിലെ ലിൻസിലെ ദൈവാലയത്തിൽ പിആർഒയായി ശുശ്രൂഷ ചെയ്തുവരുന്നതിനിടെയാണ് അപകടമുണ്ടായത്.
അപകടത്തെ തുടർന്ന് മരിച്ച മാത്യൂസിന്റെ മൃതദേഹം ആവശ്യമായ നടപടികൾ പൂർത്തിയാക്കിയ ശേഷം നാട്ടിലെത്തിച്ച് സംസ്കരിക്കും.
