നെടുങ്കണ്ടം: താന്നിമൂട്–കോമ്പയാർ–തേവാരമെട്ട് പി.ഡബ്ല്യു.ഡി റോഡിൽ ഓഗസ്റ്റ് 13 മുതൽ 15 വരെ ഗതാഗതം പൂർണമായി നിരോധിക്കും. താന്നിമൂടിൽ നിന്ന് ഏകദേശം ഒരു കിലോമീറ്റർ മാറി 48 പടി ഭാഗത്തെ വെള്ളക്കെട്ടുള്ള വളവിൽ ഇന്റർലോക്കിങ് ടൈൽ വിരിക്കുന്ന പ്രവൃത്തിയുടെ ഭാഗമായാണ് ഗതാഗത നിയന്ത്രണം.

ഓഗസ്റ്റ് 13 വ്യാഴാഴ്ച മുതൽ 15 ശനിയാഴ്ച വരെയാണ് റോഡിലൂടെയുള്ള ഗതാഗതം പൂർണമായി നിരോധിച്ചിരിക്കുന്നതെന്ന് പൊതുമരാമത്ത് വകുപ്പ് അറിയിച്ചു.

ഈ ദിവസങ്ങളിൽ വാഹനങ്ങൾ താഴെപ്പറയുന്ന ബദൽ മാർഗങ്ങൾ ഉപയോഗിക്കണം:

🔹 താന്നിമൂടിൽ നിന്ന് കോമ്പയാറിലേക്ക്:

താന്നിമൂട് → മുണ്ടിയെരുമ → കോമ്പയാർ

🔹 കോമ്പയാറിൽ നിന്ന് നെടുങ്കണ്ടത്തേക്ക്:

കോമ്പയാർ → മുണ്ടിയെരുമ → താന്നിമൂട്

റോഡ് നിർമാണ പ്രവർത്തനങ്ങളുമായി സഹകരിച്ച് വാഹനയാത്രക്കാർ ബദൽ മാർഗങ്ങൾ ഉപയോഗിക്കണമെന്ന് പൊതുമരാമത്ത് വകുപ്പ് അഭ്യർഥിച്ചു.