കാണക്കാരി: മറ്റ് രാജ്യങ്ങളിലെ മതേതരത്വ സങ്കൽപ്പങ്ങളിൽനിന്ന് വ്യത്യസ്തമായിരുന്ന ഇന്ത്യൻ മതേതരത്വം നിലവിൽ ആശങ്കയിലേക്ക് നീങ്ങുന്നതായി സംശയിക്കേണ്ട സാഹചര്യമുണ്ടെന്ന് ജസ്റ്റിസ് സിറിയക് ജോസഫ്. ബിഷപ് മാണി ഫൗണ്ടേഷന്റെ ആഭിമുഖ്യത്തിൽ കാണക്കാരി സി.എസ്.ഐ ലോ കോളജിൽ സംഘടിപ്പിച്ച സ്വാതന്ത്ര്യദിന സെമിനാറിൽ ‘ഇന്ത്യ യഥാർത്ഥത്തിൽ മതേതര രാഷ്ട്രമോ?’ എന്ന വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം.

പുതിയ തലമുറയിൽനിന്ന് ഉയർന്നുവരുന്ന ആശാവഹമായ പ്രതികരണങ്ങൾ ശുഭോദർക്കമായി കാണാമെന്നും ജസ്റ്റിസ് സിറിയക് ജോസഫ് പറഞ്ഞു.

യാക്കോബായ സുറിയാനി സഭ സുന്നഹദോസ് സെക്രട്ടറി ഡോ. തോമസ് മാർ തീമോത്തിയോസ് മെത്രാപ്പോലീത്ത സെമിനാർ ഉദ്ഘാടനം ചെയ്തു. ബിഷപ് മാണി ഫൗണ്ടേഷൻ ചെയർമാൻ എം.എം. ഫിലിപ്പ് അധ്യക്ഷത വഹിച്ചു.

ഫൗണ്ടേഷൻ സെക്രട്ടറി ജോർജ് വർഗീസ്, കോളജ് പ്രിൻസിപ്പൽ ഡോ. ജോർജ് ജോസഫ്, വൈസ് പ്രിൻസിപ്പൽ ജെയ്സി കരിങ്ങാട്ടിൽ, ബർസാർ കോശി ഏബ്രഹാം, റവ. രാജു ജേക്കബ്, റവ. ജേക്കബ് ജോൺസൺ, വൈസ് പ്രസിഡന്റ് ഡോ. അശോക് അലക്സ് ഫിലിപ്പ്, എം.വി. റോയി, കുര്യൻ ദാനിയേൽ എന്നിവർ പ്രസംഗിച്ചു.