ഇടുക്കി: നശാമുക്ത് ഭാരത് അഭിയാൻ പദ്ധതിയുടെ ഭാഗമായി ലഹരി വിരുദ്ധ പ്രചാരണത്തിന്റെ ഭാഗമായുള്ള നീന്തൽ മത്സരം ജില്ലാ സാമൂഹ്യനീതി ഓഫീസിന്റെ ആഭിമുഖ്യത്തിൽ ഇന്ന് രാവിലെ 10 മുതൽ തൊടുപുഴ ഒളമറ്റം വൈ.എം.സി.എയിൽ പ്രവർത്തിക്കുന്ന തോപ്പൻസ് സ്വിമ്മിംഗ് അക്കാദമിയിൽ സംഘടിപ്പിക്കുന്നു.

10 വയസ് മുതൽ 30 വയസ് വരെ പ്രായപരിധിയിലുള്ള മൂന്ന് കാറ്റഗറികളിലായി ആണ്‍കുട്ടികൾക്കും യുവാക്കൾക്കുമായി ഫ്രീ സ്റ്റൈൽ, ബാക്ക് സ്‌ട്രോക്ക്, ബ്രെസ്റ്റ് സ്‌ട്രോക്ക്, ബട്ടർഫ്ലൈ ഇനങ്ങളിലാണ് മത്സരം.

മത്സരത്തിൽ പങ്കെടുക്കുന്നവർ ഇടുക്കി ജില്ലയിൽ താമസിക്കുന്നവരോ ഇടുക്കി ജില്ലയിൽ പഠിക്കുന്നവരോ ആയിരിക്കണം. വിജയികൾക്ക് ട്രോഫിയും ക്യാഷ് അവാർഡും നൽകും.

വയസ് തെളിയിക്കുന്ന ഏതെങ്കിലും ഒരു രേഖയും വിദ്യാർഥികൾ സ്കൂൾ/കോളേജ് ഐ.ഡി കാർഡും മത്സരം നടക്കുന്ന സമയം കൈവശം ഉണ്ടായിരിക്കണം.

കൂടുതൽ വിവരങ്ങൾക്ക്: 04862-228160, 9496456464.