സമര പ്രചരണ വാഹന ജാഥയ്ക്ക് കട്ടപ്പനയിൽ സ്വീകരണം നൽകി
Reporter | Kerala Journal 
കേരള കോഓപ്പറേറ്റീവ് സർവീസ് പെൻഷനേഴ്സ് അസോസിയേഷന്റെ തെക്കൻ മേഖല സമര പ്രചരണ വാഹന ജാഥയ്ക്ക് കട്ടപ്പനയിൽ സ്വീകരണം നൽകി. സംസ്ഥാന പ്രസിഡന്റ് എം. സുകുമാരനാണ് ജാഥ ക്യാപ്റ്റൻ.
സ്വീകരണ യോഗം സംസ്ഥാന കമ്മിറ്റിയംഗം അവിര ജോസഫ് ഉദ്ഘാടനം ചെയ്തു. ജില്ലയിൽ വിവിധ കേന്ദ്രങ്ങളിൽ നിന്നായി സ്വീകരണങ്ങൾ ഏറ്റുവാങ്ങിയ ശേഷം വണ്ടിപ്പെരിയാറിൽ ജില്ലാതല സമാപനം നടക്കും. തുടർന്ന് ഫെബ്രുവരി 23 മുതൽ അനിശ്ചിതകാല നിരാഹാര സമരം നടത്തുമെന്നും നേതാക്കൾ അറിയിച്ചു.
കട്ടപ്പനയിലെ സ്വീകരണയോഗത്തിൽ ജില്ലാ പ്രസിഡന്റ് ജോസ് കലയത്തിനാൽ അദ്ധ്യക്ഷത വഹിച്ചു. വൈസ് ക്യാപ്റ്റൻ കെ. എം. തോമസ്, ടി. വി. പൗലോസ്, ടി. കെ. ജോസ് എന്നിവർ പ്രസംഗിച്ചു.
