മുണ്ടക്കയത്ത് ടൂറിസ്റ്റ് ബസിന് തീപിടിച്ചു. ഇന്ന് പുലർച്ചെ നാല് മണിയോടെയാണ് മുണ്ടക്കയം ടൗണിൽ സംഭവം നടന്നത്. കുമളിയിൽ നിന്ന് എത്തിയ വിനോദയാത്ര സംഘത്തിന്റെ ബസായിരുന്നു ഇത്.

ബസിനകത്ത് 45 അംഗ സംഘമുണ്ടായിരുന്നെങ്കിലും യാത്രക്കാർ സമയബന്ധിതമായി ഇറങ്ങിയതിനാൽ വലിയ ദുരന്തം ഒഴിവായി. കോട്ടയം സ്വദേശികളുടെ ‘മോക്ഷ’ എന്ന ടൂറിസ്റ്റ് ബസാണ് പൂർണമായും കത്തി നശിച്ചത്. ബസ് മധുരയിൽ നിന്ന് എറണാകുളത്തേക്ക് പോവുകയായിരുന്നു.

ബസിന്റെ അടിഭാഗത്ത് നിന്ന് തീയും പുകയും ഉയരുന്നത് ശ്രദ്ധയിൽപ്പെട്ടതോടെ യാത്രക്കാർ ഉടൻ പുറത്തിറങ്ങി. തുടർന്ന് കുറച്ച് നിമിഷങ്ങൾക്കുള്ളിൽ ബസ് മുഴുവനായും തീകൊളുത്തി നശിക്കുകയായിരുന്നു.

വാഹനത്തിൽ മുൻപ് തന്നെ ചില സാങ്കേതിക തകരാറുകൾ ഉണ്ടായിരുന്നുവെന്ന് യാത്രക്കാർ അറിയിച്ചു. യാത്രക്കിടയിൽ പല സ്ഥലങ്ങളിലും ബസ് നിർത്തേണ്ട സാഹചര്യം ഉണ്ടായിരുന്നുവെന്നും സംഘം വ്യക്തമാക്കി.

അപകടത്തിൽ ആർക്കും പരുക്കുകളില്ല.