പാലിയേറ്റീവ് കെയർ ദിനാചരണവും രോഗി കുടുംബ സംഗമവും കട്ടപ്പനയിൽ നടന്നു
Reporter | Kerala Journal 
കട്ടപ്പന ബ്ലോക്ക് പഞ്ചായത്തിന്റെ നേതൃത്വത്തിൽ പാലിയേറ്റീവ് കെയർ ദിനാചരണവും രോഗി കുടുംബ സംഗമവും സംഘടിപ്പിച്ചു. പരിപാടിയുടെ ഭാഗമായി ബ്ലോക്ക് പഞ്ചായത്തിന്റെ പാലിയേറ്റീവ് നേഴ്സുമാരെ ആദരിച്ചു.
ബ്ലോക്ക് പഞ്ചായത്ത് പ്രസിഡന്റ് ബാലസിംഗ് ഉദ്ഘാടനം നിർവഹിച്ച് ആശംസകൾ അറിയിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജോബൻ പാനോസ്, വികസനകാര്യ സ്റ്റാൻഡിങ് കമ്മിറ്റി ചെയർമാൻ ജോർജ് കുറുമ്പുറം, ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ ഓമന സോദരൻ എന്നിവർ പങ്കെടുത്തു.
ബ്ലോക്ക് പഞ്ചായത്ത് അംഗങ്ങൾ, ജില്ലാ പാലിയേറ്റീവ് കെയർ കോർഡിനേറ്റർ, ഉപ്പുതറ ഹെൽത്ത് ഓഫീസർ, വണ്ടൻമേട് ഹെൽത്ത് ഇൻസ്പെക്ടർ എന്നിവരും മറ്റ് ആരോഗ്യ പ്രവർത്തകരും ചടങ്ങിൽ സന്നിഹിതരായിരുന്നു.
