CM കിഡ്സ് സ്കോളർഷിപ്പ് മോഡൽ പരീക്ഷ സംഘടിപ്പിച്ചു
കട്ടപ്പന സബ്ജില്ലയിൽ രണ്ട് കേന്ദ്രങ്ങളിലായി പരീക്ഷ നടന്നു
Reporter | Kerala Journal 
കട്ടപ്പന:KSTA സംഘടിപ്പിച്ച CM കിഡ്സ് സ്കോളർഷിപ്പ് മോഡൽ പരീക്ഷ കട്ടപ്പന സബ്ജില്ലയിൽ രണ്ട് കേന്ദ്രങ്ങളിലായി വിജയകരമായി നടന്നു. ഗാന്ധിജി ഇംഗ്ലീഷ് മീഡിയം സ്കൂൾ ശാന്തിഗ്രാമും ഗവ. ഹൈസ്കൂൾ അണക്കരയുമാണ് പരീക്ഷാ കേന്ദ്രങ്ങൾ.
കുട്ടികളും രക്ഷിതാക്കളും വലിയ ആവേശത്തോടെയാണ് പരീക്ഷയിൽ പങ്കെടുത്തത്. ഇത്തവണ പ്രത്യേകതയായി രക്ഷിതാക്കൾക്കായി പ്രത്യേക ക്വിസ് മത്സരവും സംഘടിപ്പിച്ചു.
ശാന്തിഗ്രാമിൽ നടന്ന സബ്ജില്ലാ തല ഉദ്ഘാടന ചടങ്ങ് ഇരട്ടയാർ ഗ്രാമപഞ്ചായത്ത് പ്രസിഡണ്ട് ശ്രീമതി രജനി കെ.എ. ഉദ്ഘാടനം ചെയ്തു. KSTA ജില്ലാ പ്രസിഡണ്ട് സഖാവ് ഷാജിമോൻ കെ.ആർ. മുഖ്യപ്രഭാഷണം നടത്തി.
