സീറ്റ് വിഭജനവുമായി ബന്ധപ്പെട്ട് യു.ഡി.എഫില്‍ ഇതുവരെ ഉഭയകക്ഷി ചര്‍ച്ചകള്‍ നടന്നിട്ടില്ലെന്ന് കേരള കോണ്‍ഗ്രസ് ചെയർമാൻ പി.ജെ. ജോസഫ് പറഞ്ഞു. ഉഭയകക്ഷി ചര്‍ച്ചകള്‍ ആരംഭിച്ചാൽ സീറ്റുകളില്‍ വിട്ടുവീഴ്ച ഉണ്ടാകാമെന്നും അദ്ദേഹം വ്യക്തമാക്കി.

ഇടുക്കി സീറ്റ് സംബന്ധിച്ച്‌ കോണ്‍ഗ്രസ് ഇതുവരെ ഔദ്യോഗികമായി ആവശ്യപ്പെട്ടിട്ടില്ല. ഡി.സി.സി നല്‍കിയതായി പറയുന്ന കത്തെക്കുറിച്ച്‌ തനിക്ക് അറിവില്ലെന്നും പി.ജെ. ജോസഫ് പറഞ്ഞു. കഴിഞ്ഞ തിരഞ്ഞെടുപ്പില്‍ മത്സരിച്ച പത്ത് സീറ്റുകളും കേരള കോണ്‍ഗ്രസിന് അവകാശപ്പെട്ടതാണെങ്കിലും ഇത്തവണ ജയമാണ് പ്രധാന പരിഗണനയെന്നും അദ്ദേഹം കൂട്ടിച്ചേർത്തു.

യഥാർത്ഥ കേരള കോണ്‍ഗ്രസ് ഒന്ന് മാത്രമാണെന്നും, അത് ഇലക്ഷൻ കമ്മീഷൻ അംഗീകരിച്ച ബ്രാക്കറ്റ് ഇല്ലാത്ത കേരള കോണ്‍ഗ്രസ് തന്നെയാണെന്നും പി.ജെ. ജോസഫ് വ്യക്തമാക്കി.