ഇടുക്കി രൂപത വിദ്യാഭ്യാസ ഏജൻസിയുടെ 2026 ലെ അധ്യാപക–അനധ്യാപക അവാർഡുകൾ പ്രഖ്യാപിച്ചു. വിവിധ വിഭാഗങ്ങളിലായി മികച്ച സേവനം കാഴ്ചവെച്ച അധ്യാപകരെയും അനധ്യാപകരെയും അവാർഡിനായി തെരഞ്ഞെടുത്തു.

ഹയർസെക്കൻഡറി വിഭാഗത്തിൽ മരിയാപുരം സെന്റ് മേരീസ് ഹയർ സെക്കൻഡറി സ്കൂൾ പ്രിൻസിപ്പൽ ജോയി കെ. ജോസ്,

ഹൈസ്കൂൾ വിഭാഗത്തിൽ വിമലഗിരി വിമല ഹൈസ്കൂൾ ഹെഡ്മിസ്ട്രസ് സിസ്റ്റർ പ്രശാന്തി സി.എം.സി,

യു.പി വിഭാഗത്തിൽ രാജകുമാരി ഹോളി ക്യൂൻസ് യു.പി സ്കൂൾ അധ്യാപിക ഷൈനി ജേക്കബ്,

എൽ.പി വിഭാഗത്തിൽ ആനക്കുളം സെന്റ് ജോസഫ് എൽ.പി സ്കൂൾ ഹെഡ്മിസ്ട്രസ് സിസ്റ്റർ എൽസിൻ എസ്.ഡി എന്നിവരാണ് അവാർഡിന് അർഹരായത്.

അനധ്യാപക വിഭാഗത്തിൽ നെടുങ്കണ്ടം സെന്റ് സെബാസ്റ്റ്യൻസ് യു.പി സ്കൂളിലെ ഓഫീസ് അസിസ്റ്റന്റ് ജെയ്മോൻ മാത്യുവിനാണ് അവാർഡ്.

ഇതോടൊപ്പം ഈ വർഷത്തെ മികച്ച ലഹരിവിരുദ്ധ പ്രവർത്തനങ്ങൾ നടത്തിയ സ്കൂളുകൾക്കുള്ള അവാർഡുകളും പ്രഖ്യാപിച്ചു.

ഹയർസെക്കൻഡറി വിഭാഗം

▪️ ഒന്നാം സ്ഥാനം – ചെമ്മണ്ണാർ സെന്റ് സേവ്യേഴ്സ് ഹയർ സെക്കൻഡറി സ്കൂൾ

▪️ രണ്ടാം സ്ഥാനം – സെന്റ് ജോർജ് ഹയർ സെക്കൻഡറി സ്കൂൾ, വാഴത്തോപ്പ്

ഹൈസ്കൂൾ വിഭാഗം

▪️ ഒന്നാം സ്ഥാനം – സെന്റ് ജോർജ് എച്ച്.എസ്, പാറത്തോട്

▪️ രണ്ടാം സ്ഥാനം – മുരിക്കാശേരി സെന്റ് മേരീസ് ഹയർ സെക്കൻഡറി സ്കൂൾ

യു.പി വിഭാഗം

▪️ ഒന്നാം സ്ഥാനം – സെന്റ് ജോർജ് യു.പി സ്കൂൾ, വെണ്മണി

▪️ രണ്ടാം സ്ഥാനം – ഹോളി ഫാമിലി യു.പി സ്കൂൾ, കിളിയാർകണ്ടം

എൽ.പി വിഭാഗം

▪️ ഒന്നാം സ്ഥാനം – സെന്റ് ജോർജ് എൽ.പി സ്കൂൾ, പാറത്തോട്

▪️ രണ്ടാം സ്ഥാനം – സെന്റ് ജെറോംസ് എൽ.പി സ്കൂൾ, വെള്ളയാംകുടി

അവാർഡുകൾ ഫെബ്രുവരി 14 ന് രാവിലെ 9.30ന് രാജകുമാരി ദൈവമാതാ പാരീഷ് ഹാളിൽ നടക്കുന്ന അധ്യാപക–അനധ്യാപക സംഗമത്തിൽ ഇടുക്കി രൂപത ബിഷപ്പ് മാർ ജോൺ നെല്ലിക്കുന്നേൽ വിതരണം ചെയ്യും.

ഇടുക്കി രൂപത വിദ്യാഭ്യാസ ഏജൻസി സെക്രട്ടറി റവ. ഡോ. ജോർജ് തകടിയേൽ, കാത്തലിക് ടീച്ചേഴ്സ് ഗിൽഡ് രൂപത പ്രസിഡന്റ് നോബിള്‍ മാത്യു എന്നിവർ വിവരങ്ങൾ അറിയിച്ചു.