എം.ഇ.എസ് ഹയർ സെക്കൻഡറി സ്‌കൂൾ വണ്ടൻമേട് ൽ സ്റ്റുഡന്റ് പൊലീസ് കേഡറ്റുകളുടെ പാസിങ് ഔട്ട് പരേഡ് സംഘടിപ്പിച്ചു.വണ്ടൻമേട് ഗ്രാമപഞ്ചായത്ത് പ്രസിഡന്റ് സൂസൻ ജേക്കബ് മുഖ്യാതിഥിയായി അഭിവാദ്യം സ്വീകരിച്ചു. ജില്ലാ ക്രൈംബ്രാഞ്ച് ഡിവൈ.എസ്.പി ജോയ് മാത്യു ചടങ്ങിൽ സന്നിഹിതനായി.

അലോന മെറിൻ തോമസ് പരേഡ് കമാൻഡറായും ബെൻസിറ്റ ബെന്നി സെക്കൻഡ് ഇൻ കമാൻഡറായും പരേഡിന് നേതൃത്വം നൽകി. അഭിനയ, അദ്വൈത് എന്നിവർ വിവിധ പ്ലറ്റൂണുകളെ നയിച്ചു

ജില്ലയിൽ നീണ്ട 16 വർഷം എസ്.പി.സി പദ്ധതിക്ക് നേതൃത്വം നൽകിയ അഡീഷണൽ ജില്ലാ നോഡൽ ഓഫീസർ എസ്.ആർ. സരേഷ് ബാബുവിന് വിദ്യാലയത്തിന്റെ ഉപഹാരം സമർപ്പിച്ചു. 

‘ഗുരുശ്രേഷ്ഠ’ പുരസ്‌കാരം നേടിയ ഹെഡ്മിസ്ട്രസ് മായ വസുന്ധരാ ദേവി, സർവീസിൽ നിന്ന് വിരമിക്കുന്ന സുമ ആന്റണി, അബ്ദുൾ വഹാബ് പി. എന്നിവർക്കും സ്‌നേഹോപഹാരങ്ങൾ കൈമാറി. ജില്ലാ പഞ്ചായത്ത് മെമ്പർ ആൻസി ജെയിംസ്, എം.ഇ.എസ് ജില്ലാ പ്രസിഡന്റും സ്‌കൂൾ മാനേജിങ് കമ്മിറ്റി കൺവീനറുമായ ബാസിത് ഹസൻ, പ്രിൻസിപ്പൽ റഫീഖ് വി.കെ., ഹെഡ്മിസ്ട്രസ് മായ വസുന്ധരാ ദേവി, പി.ടി.എ പ്രസിഡന്റ് ലൗലി സാജു, വണ്ടൻമേട് എസ്.എച്ച്‌.ഒ ഷൈൻ കുമാർ എന്നിവർ ചടങ്ങിൽ പങ്കെടുത്തു.